Osee 7:13 - BII BILA

¹³ Dɛnɛ palaa co nda cum le ɲaanɔn nda ɲaanun ya-o! Mɔnɛi co nda laci le tùú nda simul-la-o! Yáà yeema le nda ciindiaa, kɛ còòlan kposon nda co ya dimullo ni.

Osee 7:13 Referans Kwoze

Osee 9:12

Taa manda pɛ cuawva, telen cuavaa kan kandunin fulaa lenin-ndo, i poonda nda nda o ba. Dɛnɛ palaa vanin le nda lɔ́ɔ́ ya malnin nda mì faŋan nda ikɛi-yo.

Dɛnnda cɔɔmuanndan 8:13

Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»

1Nsaŋ 1:10

Te n dimi pɛ maa n tosa haki le, mɛɛ n siinguu ndu vana lacòòvaa, o kon sɔɛi ndɔɛi co naa o kɔl te.

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Misee 6:4

Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Yonas 1:10

Mó cɔm nda maa ɲaanɔnndo o co le Mɛlɛka vionnɔnndo ni. Mí siòònde cɔɔlu vɛlɛ vanaa kan biyɔɔ taw, má ɲuna ndu aa: «Le yɛɛ nɛ n tosa yɛ dɛnɛ vaa nuaa?»

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Osee 9:17

«Hala nuu kɛɛnin nda, kani a bii diom ndɔɔ le. A vanin a laasiannda vanaa-mangalaa-isɔɔa tɛɛn.»

Osee 7:3

A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Osee 7:1

«telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

Esekiɛl 34:6

Saa nia co luusianndo o pembun bɛndon kpow coo a o buubuuon kpede coo, a co a saŋnannda yondoo nin o lɛŋnden kpow nin, vana-vana nɔ nda lehɔl coo le, vana-vana co nda nuwviaa le.

Esekiɛl 18:25

La co dimio aa ɲɛ Maalii co tosaa-o sendu le! Ava, mɛɛ la yaŋ-ndɔ nilan, niaa cuavaa Israɛlla! Vɛ̀ɛ̀ ɲɛ ya co tosaa-o sendu le ni baa dɛnnda niaa co tosaa lan la sendu le ni?

Esekiɛl 18:2

«Tɔnɔ yɛɛ niaa nɔ yɛ o taloo ho dimio a ndu miinganndo o lɛŋnde Israɛl-ten nin aa: ‹Fuɲaa de rɛsɛŋun pùiyon, mí ciŋndon vaaliaa poaa ndaa?›

Esekiɛl 16:23

Kpòkóó! Nɔm a kɔndu dɛnɛ fɔ́! A dɔwnun yɛɛvɛ dɛ! Ya Maalii, ya co Mɛlɛka-o soo nuaa ni. O dɛnnda kɔlvesɛila n tosa lan-ndan kɔɔli,

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Esai 63:8

Mí ndóò dimi aa: «Vanaa niaa kpeekpei nda co ni, cuavaa fulanin ya kɔɔli le-a nda co ni!» Le hee, mó yɔŋnun vana ciindiaa le nda.

Esai 59:13

N co Mɛlɛka dúmbóó yiiyo, n co ndu dɛnnda lacòòvalan tosallo, n co faŋanndo Hala naa kɔɔli, n co kɔnndan polon. N co sɔɔn kɔlvesɛiyon dimio mì n va nila kalulan tosaa, n co sɔɔn lacòòvan yiyanndo mì n va mun dimio o kɔltan nin.

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Condii lisai 106:10

Mó ciindiaa nda vanáà nɔ nɛyɔnndo a nda-a o ba, mó baŋa nda yaamɔɔa o ba.

SƐBƐ YƆB-O 22:17

Vanaa kan va Hala dimullo aa: ‹Mɛi naa lon! N sina maa nɔm co Vana-Kpaayaa-Kpow ni, kɛ yɛɛ n nɔla yɛ tosa a naa?›

Nehemi 1:10

Nduyɛ, vannda ha, vanaa nɔmaa baalaa, a yungu nɔmndo nda co ni, à n baŋa a yoomuma nɔmndan a á ba nɔm kpaayaa-a.

Tɔŋ miingua 15:15

La loonun maa niaa pila bɛɛ cɛa niaa yɔŋnun o lɛŋnde Esipte len nin ni, kɛ mí Mɛlɛka Hala niaa baŋa niaa, mó soli niaa lon. Le kɔlɔ kon ya yɔngu niaa hau tɔŋndo ho ni.

Yeremi 7:15

I toawnin niaa polon, mì la faŋan ya o hɔl mɛɛ ya tow puapilɛa niaa yɛ, polale Efraim-nden pɛɛn.»

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Misee 6:12

Vanaa bolofaa co o kobio ho nin-nda kafalan kposon nda cal coo ni. Còòlan tuŋ vanaa co icali lenin-nda co keiyo hɔŋndo ni, huiyo kínɛí nda co vannda a diɛɛmuei nda lasondo ni.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!

Esai 30:2

A co tuusoo Esipte a co ya ɲuna le, a co tuusoo lon le kɔlan vionnɔnndo masaa Esipte o ba bɛngu, le kɔlan yifanndo o vunduma Esipte-an bɛngu!

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»