Osee 6:7 - BII BILA

⁷ «Kɛ mɛɛ Adam tosa yɛ, la tɛɛmbuu kpemaa, mí la yii ya dúmbú.

Osee 6:7 Referans Kwoze

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

SƐBƐ YƆB-O 31:33

Vɛ̀ɛ̀ i ven pá tɛɛmbuula nilan maa vanndacieea pum? Vɛ̀ɛ̀ i mandan pá yɔŋ ni vɔɔndo o kɔl,

O Kandɔɔ 3:11

Mí Mɛlɛka Hala ɲuna ndu aa: «Nɛ̀ɛ́ cɔm yɛ nɔm maa tum fondo n co ni? Mò va maa kɔmnde yɔm ya kuuna nɔm le dioo len n de ni?»

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Yeremi 5:11

Kani Israɛlla nda Yudaa hui ya.» Sɔɛi fula Mɛlɛka o sondo-e co ken ni.

Yeremi 3:7

Mí dimi aa: «O cii pɛ balɔɔ ndɔ kon, o co muungu o ya lo, kɛ lepilɛ bɛɛ, o hin te. Nduyɛ mí puapilɛ ndɔɔ Yuda lo o lediom coo loo ca ndu.

Esai 48:8

Niáà tui-yɔ ɲɛ-ɲɛ a mun o kɔɔ le, niáà sina vɔ ɲɛ-ɲɛ a mun o kɔɔ le, sɔɔn mún, mún del-lɔ niaa o lani paandu le few. Kani yáà sina maa niáà lonin o lediom coo le, maa kabi o violɔn niaa, a va niaa veeloo aa vanaa nila kalua.

Esai 24:16

N tuɛinin vannda condon solio nɛɛ lɛŋnden le mɛɛlu-a aa: «Biiloo co le vana sandaa!» Kɛ ya mí dimi aa: «Kpòkóó ya! I laasian! I dɔwnun yɛɛvɛ! Mbɔ̀ ya i kɔndu dɛnɛ fɔ́! Kani vanaa yii ya dúmbú-a co dúmbúlan yiiyo, a toɲa, vanaa yiiyaa ladúmbúa co lan yiiyo kpeekpei!

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Rɔmnda 5:14

Kɛ nduyɛ, cɔn o telen Adam-ndo háá hun bii a telen Moise-o, piɔ́mndo va hɛnan ndɔɔ tosaa vanndacieea coo, hali vanaa tosa haki maa haki Adam-ndo le-a. Adam va vundule vana va hunɔɔ-o ni.

Yeremi 34:18

I malnin vanpiaandua tɛɛmbuu kan kpema nuu-a yaamɔɔa o ba. A kɛɛ kan kela o nɛila kpema nda yii ya o hɔl-lo lan coo-a pɛɛn. Nda yɛ, má kei o bungan miuŋun naw sálà nda dii-o tɛɛn.

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.