Osee 6:1 - BII BILA

¹ «La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Osee 6:1 Referans Kwoze

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

SƐBƐ YƆB-O 5:18

Kani ndu soaŋ vana ni, kɛ ndu pila koni cɛw vɛlɛ vana ni. Ndu yɔŋùl vana ni, ndu koni cɛw vana a ba ndɔɔ ni.

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Esai 30:26

Ɲɛ-tengaa ipaangoo vanin diondɔɔ maa ɲɛ-tengaa lepala. Kɛ ɲɛ-tengaa lepalaa ndu cɔɔlunin diondɔɔ bɛmbɛ leŋɔmmɛw hiovɔɔ o paandoo coo. O diandunin mɛɛ vana cuungiaa ɲɛ-tengaa lepala diandu palɛi ndii ŋɔmmɛw-vo nɛɛ pilɛ nuaa yɛ. Kon tosannin telen Mɛlɛka holnin paw vanaa ndɔa mò singi pavii o soli nda o n'dial a lɔɔ-e o.

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Condii lisai 30:7

Telen ya vannun a kɔlɲuloo-o, nuaa yáà yiyan ni aa: «I del-lɛnin lɔ́ɔ́-lɔ́ɔ̀ le.»

Yeremi 30:12

O Mɛlɛka dimi-o co hoo ni aa: «Dɛnɛ palaa nɔmndo nɔ danda le, yɔŋulɔn nɔmndo singu le.

Esai 30:22

La bɛnda mì la ce volin niaa holi piɔmaa niaa-on a sianin niaa bɛli nda-on maa n nɔɔlɛiyon n co ni. La bɛnda mì la viow nda a mun ma ɲɛ co o nɔɔlɛiyo-o, mì la dimi aa: «La fula nanu!»

Sofoni 2:1

«Éé niaa vanaa nɔ haa lasiɛmbu le-a! La muungu o niaa pila nin. La mɛɛndian kɔlta niaalan,

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

SƐBƐ YƆB-O 16:9

Hala ciŋilan ya a kɔltuw ndɔɔ mó va ya siɔŋio, o co ya ciŋndon kumbillo kpángàɲan. Yaamɔɔ nuu o co ya lɔvaa a lahɔl.

Condii lisai 6:2

Éé Mɛlɛka! Soaŋ ya o kɔltuw nɔmndo nin te, saangiaa ya o hiilɛi nɔmnde nin te.

Condii lisai 71:20

A tɔɔndan bɛɛ ya a dɛnnda imɔnɔlan a á dɛnnda palaalan nuaa taw, kɛ a mingin yoomoo ya o milin, a solinin ya o lɛŋnden bɛngu, o sɛiyo nin pɛɛn.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Esai 17:7

O palɛi ken nin, vanacieo mulinin hɔlla o vana toosiaa ndu-o lo, o tofanin O-Diandaa Israɛlla.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

Cɛɛŋɔnnda Yeremi lan 3:11

O tosa mí pɔw nɛi nuu, mó sɛɛsiaa ya, mó dɔaw ya yɛɛvɛ.

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Osee 12:6

Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Tɔŋ lasálàá 14:48

Kɛ te vana-solia-lasálàá muungu pɛ le cɛiyo cɔɔloo mɛɛndianndo, mo ce maa sɔŋndo fula lɛ fula celen o yikpa sɛnɛi kon coo le, o dimi maa cɛi diandaa cɛi kon co ni. Kani sɔŋndo faŋan few.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

SƐBƐ YƆB-O 22:23

Taa muungu pɛ Vana-Kpaayaa-Kpow o ibuŋ, a muungunin o fonda nɔmndo, mà faŋan dɛnɛ sandaa lepɛŋndo levil polon o calta nɔmndan.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»