Osee 5:5 - BII BILA

⁵ Yonga Israɛlla co nda pila seilen tɛndallo, Israɛlla a cuavaa-imamaa Efraim-nda boŋ le dɛnnda ndala vɔɔnndan. Vannda Yuda bɛɛ boŋ latulu nda ndaa.

Osee 5:5 Referans Kwoze

Osee 7:10

Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.

Amɔs 5:2

Israɛlla del, à cen ndɛnin te few! A co ihini lɛŋ lɛngbɛn, vana-vana co nda cua isisi le.

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Matie 23:31

La co cɔmndo o kon vakpa maa poaa vanaa diw vanaa-tɛɛngaa-diom Hala-a niaa co ni.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Osee 4:5

Lelan, ipala déŋ niaa boŋnin ni mì vanaa-tɛɛngaa-diom Hala-a va boŋio icɔl. I co kala nia sondoo kinda le fɛɛn a fɛɛn, mò mei kpili.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Esai 59:12

Kani yɔŋnda naala vɔɔnndan la co bɔɔ sɛ́lɛ́ nɔm o hɔl, nduyɛ hakila naalan la co naa seilen tɛndallo. Yɔŋnda naala vɔɔnndan la co naa lakayakayanndan. N co vɛlɛ biondɔnnda naalan sinaa válán.

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Talelan 30:13

Vannda pum yongaa pila nda nɔ ni. Tofa tɛɛndanndo nda tofa caanda ni.

Talelan 24:16

Kani hali vana sandaa del bɛɛ leŋɔmmɛw, cɔnnɔnndo o cannin ni. Kɛ vanaa kɔlvesɛiya nda, lɛŋ dí dɛnɛ palaa tiiya nda sondoo ni.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Talelan 11:5

Dɛnɛ sandaa yaa vanaa sandaa o nɛi sandaa coo ni. Vana yɔŋ vɔɔndo yɛ, yɔŋ vɔɔn ndɔɔ laasiàà ndu ni.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.