Osee 5:11 - BII BILA

¹¹ Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Osee 5:11 Referans Kwoze

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Tɔŋ miingua 28:33

Vanaa-mangalaa-isɔaa niaa sina le-a dianin tɔlɔɔla niaalan a valta niaalan tɔnɔ. A vanin niaa delɔɔ coo a niaa mɔnɛi lueiyo tuŋ.

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

Osee 9:16

Polale Efraim-nden le keŋnun, mí dumbule ndɔlen le vesa. A soli lɛnin n'cuaw le. Taa velu yɛ pɛ cuawva, i yaanin cuavaa nda kaolanin kan-nda ciee-piɔ́m.»