Osee 4:6 - BII BILA

⁶ Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Osee 4:6 Referans Kwoze

Esai 5:13

Lelan, vannda kɔanin a vanaa niaa o cɛlen nin le tùú nda kɛɛ le ɲɛ-ɲɛ bila biyɔɔ-o. Vanaa ndaa bɛndua cuunin vu a yiaan, vanaa niaa kalaa cuunin vu kpow a bolola vesɛilan.

Talelan 19:2

Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Osee 6:6

Lou o lediom coo hiow ya hɛnan a sálàla n'cɔlulan. Hala sinaa co fisa a sálàla loamaalan solio.»

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

SƐBƐ YƆB-O 36:12

Taa tui yɛ le, mɛɛ a keinin o nɛi yaa vana ciee-piɔ́m-ndo, a sɔlanin piɔ́mndo le sina lepɛŋ ndaa.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Esai 3:12

Cuaambɔa pɔmbɔ-pɔmbɔa co vanaa niaa bɛpɛlaa ni. Vanlaandua nɔ nda kpaayaa coo ni. Éé niaa vanaa niaa, laasiaa daama vanaa co niaa simndan laci-a co niaa lende nuaa ni. A co nɛi niaa co kɔlan coo-o tuunduuvo tuŋ.

Condii lisai 119:139

Ɲɔɔ co ya palaa o kɔl taw, kani yaamɔaa nia co tɔŋnda nɔmndan pɔɛɛnɔnndo.

Condii lisai 119:61

Hali vanaa yɔŋ vɔɔnda yiw ya bɛɛ o yoei, i pɔɛɛnunnin tɔŋ nɔmndo le.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Osee 8:12

I sɛval bɛɛ nda tɔŋnda nilan vaalan o vaalan nin, à canin kon lan maa lepilɛ bɛɛ a sina lan te.

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Matie 1:6

mí Yisai vialu masaa David. Mí masaa David vialu Salomɔn, lanɔɔ Uri yɔŋnun kalaa Salomɔn ni.

Condii lisai 119:153

Cɔ sanga co ya coo-o Mɛlɛka, mà baŋa ya, kani i co tɔŋ nɔmndo pɔɛɛnɔn te.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Osee 4:14

I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Condii lisai 18:27

Te vanndo dendu pɛ a nɔm Mɛlɛka, Nɔm bɛɛ cɔm diondɔɔ nɔmndo a ndu, kɛ te vannda kela pɛ kela tuunduanndo, nɔm bɛɛ a kei ndu baa o mundu.

Esai 29:12

Te kon te mà yɔngu vana sina sɛbɛ loo sɛbɔɔ le tofaa lenin, mà dimul ndu aa: «Dimi sɛbɔɔ ho», kɛ mì vana kon dimi aa: «I sina sɛbɛ le.»

Osee 9:17

«Hala nuu kɛɛnin nda, kani a bii diom ndɔɔ le. A vanin a laasiannda vanaa-mangalaa-isɔɔa tɛɛn.»