Osee 4:10 - BII BILA

¹⁰ A vanin dioo, kɛ a venin pum te. A vanin suundaa, kɛ a venin n'cuaw violɔɔ le, kani a mulul-la kɔɔ, ya Mɛlɛka.

Osee 4:10 Referans Kwoze

Misee 6:14

La vanin dio, kɛ la pimnin te. Yiaan ma vanin niaa o ladembe. La vanin baloo kɛsio nɛɛ pum le ndu mandaa, kɛ la nɔlanin ndu manda le. La manda yɛ pɛ ɲɛ pum, i tosanin mì cɔwvo tɛɛmbuu ndu.

Tɔŋ lasálàá 26:26

I tuŋnin niaa ɲɛdiaa. Vanlaandua tɔ́ a loamnin bulu niaa o fonda loamaa buloo ndu pilɛ nin, mà cuu niaa ndu ɲɛ-pɔmbɔ cuinii. La dianin ndu kɛ la pimnin ndu le.

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Osee 4:14

I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Esekiɛl 18:24

Te vana sandaa mulul pɛ dɛnɛ sandaa kɔɔ mò tosa dɛnɛ sendu loo, mò tuula vana kɔlvesɛiyo, mò tosa dɛnnda nɔɔlɛila vana kɔlvesɛiyo tosa lan kpow, vana vaa lende lonin pá yoomu? Dɛnnda ndɔla sandaalan faw la cɔmnun ndɛnin ndu coo le. Le kɛɛ o kɛɛ le lou o lediom coo-o a le haki o tosa-o. O sɔlanin piɔ́mndo le dɛnnda lan.

Talelan 13:25

Vana sandaa de pɛ o pim ca. Kɛ dembe vana kɔlvesɛiyo ndu co caŋndo a yiaan tuŋ.

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

2Dɛnnda lemasalan 24:17

O piɔ́m Yehoyada-o kɔɔli, mí simlacia Yuda a hun tuisin masaa Yoas o labɛngunin. O kon, mí masaa yaŋ nda nilan.

Yeremi 34:15

Kɛ niaa yɛ, mí niáá mangala kela kon, mí la tosa dɛnɛ sandu ya o hɔl-lo, mí vana-vana solin o sondo maa puapilɛ ndɔ co ndu o ba o cɛlen nin-ndo co o ba ndɔɔ coo, mí la yii diomnden ya o hɔl, o cɛi diola nilan la co veelɔnndo nin-ndo nin.

Esekiɛl 22:9

Vanaa co vannda sɔɔn handɔɔ coo le nda diwvo-a a co nanu, vannda pum co kùlon dioo.

Osee 7:4

Nda kpow vanaa suundaa nda co ni. Maa cɛi loamaa bulu vana loamaa buloo hiw tuuloo-o nda co ni. Kandɔɔ tuma o lindà kpeyanndo-vo, háá mì kpeyan kalaa cuu helɔɔ, vana loamaa buloo tofa lɛ cɛi loamaa buloo le.

Yeremi 9:12

Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.