Osee 2:9 - BII BILA

⁹ O kon, o vanin kɔlan sámáá ndɔa kɔɔli, kɛ o bendalnin nda le. O nuwviaanin nda, kɛ o seelunnin nda le. Le hee, o diminin aa: ‹I muungu vɔ mì kɔɛnnun o pɔnɔ ni tasoo lo. Kani lɔ́ɔ́ ya va ndu o ba-o yáà hiow va o dɛnɛ kɛndɔɔ nin a sisa.›

Osee 2:9 Referans Kwoze

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Sofoni 1:13

Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Osee 9:2

Kɛ o co niaa le nɔnin malun nda lɔɔ o kpele lɔaa n'mallo coo-on a cuɛima nda co solio o doolaa nin-ndan te. Mɔima sɛnɛima niaa co cumndo-an ma keinin niaa o milinndo bɛngu.

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Daniɛl 11:13

Kani masaa a ba luaŋ-ndo muungunin, mò cuungiaa vɛlɛ vanaa cɔvaa celen hiovɔɔ a tasea. Vɔsila pum la hiow pɛ, o kuel ndu a vanaa cɔvaa sɛ́lɛ́a kan, a ɲɛm cɔwvon taw.

Esekiɛl 23:26

A yunganin nɔm mà soli nɔm ɲɛla n dovin-ndan lekɔɔ.

Esekiɛl 16:39

I malnin nɔm nda o ba, mà koombiaa bandóla nɔmndan, mà puusiaa yasabaala makòóla nɔmndan. A yunganin nɔm mà poondiaa nɔm volɔɔla nɔmnda cuɛinanndan o ba. A puunin ɲɛm kɛndɛn n dovin-ndon nɔm o ba, mà mɛi nɔm fondo fúú.

Esekiɛl 16:27

Le hee, mí tuisi ba nuu le nɔm soŋɔ̀ɔ́, mí poonda ɲɛdiaa nɔm o ba, mí mal nɔm yaamɔaa nɔmnda o ba, kobila Filistia pɛɛn, kobila siɛmbulan láà bii le suunda nɔm bɛndu-bɛndoo-a.