Osee 2:3 - BII BILA

³ Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Osee 2:3 Referans Kwoze

Esekiɛl 16:22

Telen n va dɛnnda nɔɔlɛila lan kpow tosaa-o, a yiyan a felengiyɛi nɔmnde o kɔɔ le. Má pɔɛɛnun telen n vannun tum fondo o kooma nɔmndan nin-ndo.

Esekiɛl 19:13

Sunsun nin, o co o tɔalaa o lɛŋnde veselɛilen nin, o lɛŋnde vesɛile kokolo le nɔ mamɛn te len nin.

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Dɛnnda cɔɔmuanndan 17:16

Leela tɔ́la n ce lan a visi kon a nɔnin nɛyɔn vanalanɔ suundɛi kon, mà yunga ndu, mò lo fondo fúú. A dianin visin ndɔn, mà lom ndu o yin.

Yeremi 51:43

Kobila co Babilɔn-ndan la pieow, lɛŋnde ndɔlen le vesan sɛ́ɛ́n mì vanndacieea piaw, vana co lɛ kei lon te.›

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yeremi 17:6

Maa bɔ̀ɔ̀ n'yɔ co o lɛŋnde veselɛilen nin-ndo vanaa kan co ni. Lɔ́ɔ́-lɔ́ɔ̀ bɛɛ, dɛnɛ kɛndɛ co le nda le, o lɛŋnde veselɛile lapowlen nin tuŋ nda co ni, lɛŋnde ihɛlte vanaciee co nin te len.

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 4:26

Mí tofa, mí ca lɛŋnde Karmɛl-ten le muungu lɛŋnde veselɛilen, kobila ndɔlan kpow la tambu a kɔltuw Mɛlɛka-o.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Esai 64:10

Cɛi-Hala diandaa naa kɛndɛ-kɛndɔɔ, nɛɛ fuɲaa naa imamaa va nɔm lisaa-a ŋɔɛ o yinnden nin, ɲɛ-ɲɛ kɛndɛ sɔvɛ náà n nɔ lenin, kon kpede cuu itambu o yinnden nin.

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.

Masaa kialaa n'yamaa 15:18

Fɔ́ɔ́fɔ̀, mí kolɔɔ bii Samsɔn, mó tosa piɛilen mó dimul Mɛlɛka aa: «Éé Hala! Nɔm yɔngu ya vana nɔm baalaa kpaayaa ni mí nɔla vannda ha. Vɛ̀ɛ̀ mì vi nihau a bolola vesɛilan, mì del vanaa dii haa toma le-a o ba?»

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Yeremi 14:3

Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Yeremi 51:5

Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.