Osee 2:2 - BII BILA

² O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.

Osee 2:2 Referans Kwoze

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Esekiɛl 23:45

Vanpiaandua sandaa kialunin yamɛi ndɛi mɛɛ vana kialu yamɛi vanlaandua yɛ, mɛɛ vana kialu yamɛi vanlaandua diw vanndacieea-a yɛ, kani vanlaandua suundɛiya nda co ni, bala ndalan la co lalɔngɔlɛilan a koovan.

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Esekiɛl 16:25

O nɛi oo nɛi sondoo, má tangul bàndóó, má tosa dɛnnda nɔɔlɛilan a naŋɔɔ nɔmndo, má yɔngun vanaa hiawnannda kpede, má luɛi suundaa a labɛɛla kpeekpei.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Yeremi 19:3

Mà dimi aa: La yaŋnun diom Mɛlɛka-o, niaa masaa Yuda a niaa Yerusalɛmnda! Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa tuisi o fondaa hoo coo, vana-vana tuei Pɛ sɔɛi ken, kɔndɔfili bɛndoo biinin ndu.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Esekiɛl 23:43

Mí yiyan maa vanalanɔ siɔŋin hoo ndu pila o suundaa nin-ndo co vɛlɛ hiovɔɔ laci a laasianndo o suundaa nin.

Esekiɛl 20:4

Nɔm Po vanacieo, a kialunin pá yamɛi ndɛi, a kialunin ndi? Cɔm nda dɛnnda nɔɔlɛila fuɲaa ndaa tosa lan.

Esekiɛl 16:20

Má cua poaa a cuavaa landua nɔm óò vilul-la a, má solul piɔmaa kan sálàá haliko ma somi nda. Vɛ̀ɛ̀ suunda n suunda-o ndóò tiw vɔ nɔm te?

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Osee 2:1

«Kɛ paale vanin, mì Israɛlla kui taw. À vanin sɛ́lɛ́ maa sióónndon o mɛmma ihɛllan kɔngɔ. Vana nɔlanin nda cɔmndo le. Fonda ndáà va nda paandu dimullo-o aa: ‹La co yungu ni le›, a dimulnin nda o fonda kon aa: ‹Cuavaa Hala yoomaa niaa co ni.›

Osee 4:5

Lelan, ipala déŋ niaa boŋnin ni mì vanaa-tɛɛngaa-diom Hala-a va boŋio icɔl. I co kala nia sondoo kinda le fɛɛn a fɛɛn, mò mei kpili.

Esai 11:12

O heelunin lɛfɛ landaa le vanaa-mangalaa-isɔɔa, o cuungiaanin cuavaa Israɛlaa co o ɲaanɔnndo nin-nda, o mɔɔsiaanin vanaa sɛŋin fulaa o tàndá Yuda-o nin-nda. O cuungiaanin nda fulaa o kpengun hiɔɔlun ceendo.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Misee 2:13

Vana co niaa nɛiyo bulullo-o co kɔlan niaa laci. La sɔla baŋaa, la co tɛɛngei bulio, mì la va keiyo lon, mì la va fulaa. Masa niaa co kɔlan niaa laci, Mɛlɛka pɛɛn, o co simndan niaa laci-o.»