Osee 2:18 - BII BILA

¹⁸ Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Osee 2:18 Referans Kwoze

Esekiɛl 34:25

I yiinin kpema kɔlɲuloo a nda mì faŋa visia yondoa biyaa o lɛŋnden nden nin. O kon saa nia calnin nila ɲulu o lɛŋnde veselɛilen nin, mà va lɔan o bundɛlan nin.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Esai 2:4

Ndu kialunin yamɛi vanaa-mangalaa-isɔɔa tɛɛn ni, ndu vanin vana dimi diom mɛɛlaa vanaa súúla celen tɛɛn-ndo ni. A cuanin mɔɔn ndan cɔwvon mà cɔw dɛndɛla vaalan a mun, a cɔawnin vɔlɔtɔlan a bálta ndalan. Kani vanaa-mangalaa-isɔɔ súú-súù a cue lɛnin mɔɛi cɔwve le kɔlan a celen delɔɔ coo a cɔwvo le, vana-vana pɛi lɛnin cɔwvo le.

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

Esai 65:25

Tun yondoo a saa téndóó a dianin o fonda pilɔɔ, yàlàá dianin billo maa naw. Kɛwvo ndu ndu, cundoo vanin ɲɛdiaa ndɔɔ ni. Dɛnɛ vɔɔndo a dɛnɛ kɔlvesɛi tosan ndɛnin o pembii diandɛi coo le». Mɛlɛka soo lende ni.

SƐBƐ YƆB-O 5:23

Kani kpemaa vanin niaa tɛɛn niaa powtan o yondoo nin. Kɔlɲuloo vanin niaa tɛɛn niaa visia yondoa.

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Sakari 14:4

Pelun ndɔn pilannin ɲinkon Pembii oliviei, i co Yerusalɛm o hɔl-ndɔ a ba paalen le can-ndo-e pɛɛn. Pembii oliviei ken tɛndanin tɛɛn kpala-kpala, kandɔɔ a ba paalen le can-ndo háá ba le del-lo, mì ból bɛndu-bɛndoo del o fonda kon. Pembei kpengei pilɛ nannunnin a ba luaŋ-ndo mì kpengei pilɛi nannun a ba too.

Sakari 3:10

Paale len, la veelannin vellaa-velle le calle a kɔlɲuloo o tumnda n'rɛsɛnndan a o voosoei bɛngu. Ya Mɛlɛka-Nɔ-Kpaayaa-Kpow-vo dimi lende ni.›»

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

Esai 26:1

O palɛi ken nin, a solinin condei he o tàndá Yuda-o nin aa: «N nɔ kobi mayoomoo o kungaa ɲɛkɛndɛi, Mɛlɛka yɔngu naa cindaa, mí cinda kon siŋnun kpakio a sungbule makɔɔlen le naa.

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Condii lisai 23:2

O yambù ya o yondo puiyaa coo, o kɔa a ya o mɛmma co biiŋɔn te-an ikɛi.

Sakari 9:10

O ciinin ɲɛla ɲaanannda soa nan-ndan o tàndá cuavaa-imamaa Efraim-nda nin o ciinin soa cɔwva Yerusalɛm, o yiminin kpaasiaala cɔwlan kpow. O yɔngunin vanaa-mangalaa-isɔɔa kpow kɔlɲuloo. Masale ndɔlen le kandunnin o mɛmma hɛlii bɛnduan, mì le kɔ tiiya háá o mɛmma ihɛllan mediteranee. Masale ndɔlen le cannin o pee bɛndoo Efrate, mì le kɔ tiiya háá nɛɛ lɛŋnden le mɛɛlu-a.»

SƐBƐ YƆB-O 5:22

A mamnin dɛnɛ palaa a yima fofolan, siòòŋii venin nɔm a visia biyaa le.

Condii lisai 148:10

visia yondoa a visia cieeninnda kpow, niaa visia pɔm-pɔmbɔa kela lɛŋ-nda a yovaa can coocoo-a kpow,

Esai 32:18

Vanaa niaa calnin o fonda kɔlɲuloo, a nɔnin nɛɛ calaa yilia o fondala nila ɲululan nin.

Esekiɛl 39:1

Nɔm Po vanacieo sei, tɛɛngul Kɔk diom Hala-o a dɛnɛ palaa toalnin ndu coo-o. Dimul ndu aa: Nuaa Maalii, o co Mɛlɛka-o dimi ni aa: «Má cè ya nɔm cɔlɔbaa, nɔm Kɔk, nɔm simlacinɔ lebollo le Mesɛk a Tubal!

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.