Biblia Todo Logo
Bib sou entènèt

- Piblisite -




Osee 14:9 - BII BILA

9 Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Gade chapit la Kopi




Osee 14:9
46 Referans Kwoze  

Nɛila Mɛlɛka lan la kanda vanaa sandaa maa kpaki, kɛ mì la tɛɛmbuu vanaa kɔlvesɛiya.


Vana-vana nɔ pɛ kɔlkaloo, o canin dɛnnda lan, mò sina kaola Mɛlɛka nɔ le ndu-o.


Vana co vana Hala-o-o, nilan o yaŋ o sɔɛi Hala-e ni. Niaa la yeŋ lani le, kani la co vanaa Hala le.»


Vannda taw a tɔaanunnin, mà siŋnun a humbu, mà dendu mɛɛ yinnden le dindi ɲɔɔ yɛ. Vanaa kɔlvesɛiya biinin ɲɛ-ɲɛ bila le, a vanin hiovɔɔ laci a yɔŋ vɔɔndo tosaa. Kɛ vanaa hiow kɔlkaloo-a biinin bila.


Nduyɛ, Mɛlɛka co nda tɛɛn o kobi ndɔɔ nin, Mɛlɛka yɛ, o sandaa o co ni, O co dɛnɛ oo dɛnɛ tundan tosa le. Idii oo idii, o co yaman ndɔn kiolɔɔ, a paale siaalen bɛɛ, o co lon. Vana kɔlvesɛiyo ndu sina masinaa lasiɛmbu le.


Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.


Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.


O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»


Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.


I laalan maa silala nɔmndan kpow la sandu, nɛi oo nɛi co pɛ nɛi lakafaa, o hɛnan ya le.


Éé Mɛlɛka! I sina maa tɔŋnda nɔmndan la sandu, nduyɛ, a caa ya siɛmbulan tuisi.


A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»


Nduyɛ tɔŋndo connun o diandaa, sɔɔn co lenin-ndon bɛɛ n co n diandaa, n sandu, n naŋ.


Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.


Mí Yeesu dimul ndu aa: «I hin le yamɛi kiolɔɔ o ceendo ho coo, haliko mi vanaa sumɛiya ce, mì vanaa co cɔu-va suma.»


Dɛnɛ kɛndɔɔ co le vana melnin laalan ndɔɔ le ya loo.»


Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,


Mí Po vanacieo hun, mó va dioo a kolɔɔ, mí vannda va dimio aa: ‹Hoo ndu vana lepuloo a vana kólaa mamɔiyo o co ni. Caaŋoo vanaa biyaa mulua a vanaa lahakia o co ni.› Kɛ o dɛnnda Kɔlkaloo co tosaa lan nin vannda sinà ni maa Kɔlkalu kalaa sandu.»


La co dimio aa ɲɛ Maalii co tosaa-o sendu le! Ava, mɛɛ la yaŋ-ndɔ nilan, niaa cuavaa Israɛlla! Vɛ̀ɛ̀ ɲɛ ya co tosaa-o sendu le ni baa dɛnnda niaa co tosaa lan la sendu le ni?


Kɛ vanaa nila kalua a vanaa lahakia dɔawnunnin yɛɛvɛ. Vanaa kɛɛnin Mɛlɛka-a cuunin itambu kpede.


Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.


Mɛɛ nda va hiovɔɔ o bóllo Baka nin, mí nɔm Hala siinguu ból kon soonnda mamɛnndan, mí piɔɔ tasoo toal, mó tiw dalalan ndon kpow.


Dɛnɛ kɛndɔɔ co le vanaa co o nɔm ndo cɛinin-nda, a co nɔm biiloo lɔ́ɔ́-lɔ́ɔ̀.


Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.


mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?


A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!


Vana nɔ yiyan kɔlkaloo-o co vana taasio ni. Mɛɛ sɔɛi hɛnan vana o tueyɔɔ yɛ, lende koni i cɔɔlu vana sinapɛngoo ni.


O tofa lɛnin a kpengii máánndan te, ɲɛm vanndacieea toosiaa a laba-on co mun ni, o tofa lɛnin ɲɛm o cɔw a n'suon te, o tofa lɛnin tombun soolan a bonyun fuusan te.


La veelunin ya mì la piɛi ya, mì tuei niaa diom.


Lon niaa hunnin ni, mì la faaŋiaa ɲɛm nɔɔlɛiyon kpow a dɛnnda laasiɛilan kpede.


I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.


I lueinin polale Yuda len yoomuan, mì baŋa polale Yosɛf len. I minginin nda o la nda lo, kani ɲíí ndɛi co ya. A vanin vana ca kaa kabi bɛɛ yáà tuw-vɔ nda polon te. Ya co Mɛlɛka ni, Hala ndaa pɛɛn, i mululnin nda piɛilen.


Swiv nou:

Piblisite


Piblisite