Osee 14:5 - BII BILA

⁵ I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.

Osee 14:5 Referans Kwoze

Esai 35:2

O kumbunnin mɔku-mɔku a punga billo, mò yɛkɛlan a kɔlkɛndɔɔ, mò viow kponyoo a condon a yoondiaala kɔlkɛndɛlan. Naŋɔɔ Liban-ndo yɔngunnin ndu, naŋɔɔ pembei Karmɛl-lo a naŋɔɔ dɛɛlaa Saron-ndo kennunnin ndu. A canin biilu Mɛlɛka-o ciŋ, a mɛɛndannin naŋɔɔ Hala naa.

Esai 27:6

O siɔdii lacio nin, polale Yakɔb len le vulnin puundon, cuavaa Israɛlla solinin yandɔɔlan mì pei lendei fula lon, o kon, a peinin ceendo a yɛyii ndɛi.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,

Matie 6:28

Le yɛɛ niaa co yɛ niko buulanndo le ɲɛ cuɛinanndo? La mɛɛndan-ndɔ mɛɛ billo hindu yondoo nin yɛ, o tosa baala le, o vomul te.

Condii lisai 72:16

Maalon kuinin o lɛŋnden coo, n vanin o pembon coo ba-ba fee, n naŋnin maa bil co Liban-ndo. N tiwnin o kobion nin maa bil co o yondoo nin-ndo.

SƐBƐ YƆB-O 29:19

Puundun nun luɛinin o mɛnndan nin, kɛmndan ma lɔlnin o lɛvun nun coo pii.

Tɔŋ miingua 32:2

Silala nilan la co cucɔnndo mɛɛ piɔɔ sia nuaa yɛ, sɔɛi nii co delio mɛɛ kɛmndan ma cɛɛluu nuaa yɛ, pɛɛkula nilan la co cucɔnndo mɛɛ mɔ́mndo cucun o yondo puiyaa coo nuaa yɛ.

Misee 5:7

Cuavaa tɔ̀a Yakɔb-a vanin vanaa súúla celeŋaa sɛ́lɛ́ bɛndua tɛɛn mɛɛ yàlàá va visia yondoa tɛɛn nuaa yɛ, mɛɛ yàlà téndóó va kunda cɔlua letùúa tɛɛn nuaa yɛ. Nɛɛ-nɛɛ o kei pɛ, o kpuva, o sɛɛsiaa, vana co mo hɛlu ndu ɲɛ o ba le.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Esai 18:4

Kani nuaa Mɛlɛka dimul-la ni aa: ‹I connun o calta nilan nin yili mi va tofaa maa a telen hangul tuw-tuw paale kala ŋama-ŋamaa, maa a telen yumbuyumboo tenga nuaa, mí hangullo va boondii koavaa n'malle-o.

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

2Masaa 19:30

Vanaa lonin yoomu o yungu Yuda-o tɛɛn-nda, a vanin vɛlɛ maa yɔm tuisi puundun ndɔn o lɛŋnden bɛngu, mí lɛvun ndɔn va kullon komɔɔ lecoo-o.

2Samiɛl 23:4

maa ɲɛ-tengaa paale siaa masa kon co ni, maa ɲɛ téngà tuma yumbuyumbu ve coocoo loo o co ni. Piɔɔ sia pɛ mì ɲɛ-tengaa kon fula, hangulu ndɔɔ tòsá bil kiyɛiyo fula lɛŋ.

Luke 12:27

La tofa vɔ mɛɛ billo pum punga yondoo nin yɛ, o tosa baala le, o vomul te. Kɛ nduyɛ mì dimul niaa, hali Salomɔn a bolofaa bɛndu ndóò nɔ-o kpow, o tiiya cuɛinɔnndo maa fula bil kon o pilɛ le.

Condii kɛndɛ-kɛndɛi 4:5

Vana ca ko mɛɛma nɔmma miɔnndan aa púwvɛa cuawva nda ŋiɔn ni. Vana ca ko man aa púwvɛa pɛndua co diolan o bil kɛndɛ-kɛndɔɔ nin ni.

Condii kɛndɛ-kɛndɛi 2:16

«Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Talelan 19:12

Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Condii lisai 80:9

Nɔm óò sungɔɔ rɛsɛn tumndo Esipte, má toaw vanaa-mangalaa-isɔɔa le ndu tɔlɔɔ.

Condii lisai 92:12

I co yaamɔɔa cɔu tambei, i co vanaa yɔŋ vɔɔnda tueyɔɔ cɛɛŋɔnndo.

Condii lisai 133:3

O co macoaa maa kɛmma co tolɔɔ o pembei Hɛrmɔn ndan, ma co tolɔɔ o pembon Siɔn coo-an pɛɛn. Kani Siɔn ndon Mɛlɛka kila calta ndɔlan ni, o cii fonda kalaa duaa dɔvɔɔ le lɔ́ɔ́-lɔ́ɔ̀.

Esai 45:8

Màá halataalaa cucu dɛnɛ sandaa cɔnɔnndo coocoo mì yumbuyumboo tuisi ndu pɔlɔpɔlɔ! Màá lɛŋnden le kumbin mì cindaa pui, mò tiw tɛ́ngɛ̀-tɛ́ngɛ̀, mì dɛnɛ sandaa vil vɛlɛ o telen pilɛ kon bɛngu! Ya Mɛlɛka, ya co ɲɛm mun toosiaa ni.»

Condii lisai 92:13

Vanaa sandaa co yandɔɔ maa mavaw, a co bandei maa sɛɛdrei Liban.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Esai 57:18

I ce nɛila nda co kelaa coo lan, kɛ i singinin nda, i simnin nda laci mì ɲɔɔlu nda mà ɲulul kɔltan, nda a vanaa nda co o dɛnɛ palaa pilɛ kon nin-nda.

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 32:41

Ɲɔɔ hɛnannin ya le nda dɛnɛ kɛndɔɔ tosallo, o kon i tɔalnin nda tɔlɔɔ kpeekpeiyo o lɛŋnden nden nin a kɔl nuu kpow, a yiyan nuu kpow.

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.