Osee 14:3 - BII BILA

³ La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Osee 14:3 Referans Kwoze

Condii lisai 68:5

La condu le Hala, la sangala diola ndɔlan o condon nin. La busa nɛiyo Vana co hunɔɔ o sow coo, o yumbuyumboo nin-ndo laci. Diola ndɔlan aa Mɛlɛka. La viow kponyoo ndu o hɔl.

Condii lisai 10:14

Nɔm pila tofa vɔ sangaa a dɛnɛ palaa co vanaa bala fondoa coo-o. Cua sɔɛi ndɛi balan tan tiɔn. Nɔm o ba vana dɛnɛ palaa sɔɔnun ni, nɔm malà vííyo ni.

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

Osee 5:13

Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Esai 30:16

La dimi aa: «Ɛ-ɛ, n ɲaanunnin o soa naa coo!» Lelan kpeekpei niaa co ɲaanɔn lekɛ́ndɛi o soa coo ni. La dimi vɛlɛ aa: «N helnunnin o soa keleŋa taw-va coo!» Lelan, soa vanin niaa tovɔɔ-a bɛɛ keleŋanin taw.

Condii lisai 33:17

Còòlan i co le soo vanndo ciindiaa ni, mɛ̀ɛ́-mɛ̀ɛ́ o nɔ yoomuan o baŋa vana le.

Nsaŋ 14:18

I mɛinin niaa n'víí le, i co niaa muungu o ibuŋ.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Osee 8:9

Kani Asiri nda kɔɛnnun ni. Sofɛlɛ yondo connun o ba ndɔɔ coo, kɛ polale Efraim-nden, bɔnɔɔ nda luɛi le sámáá sɔlaa ni.

Osee 8:6

Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Esekiɛl 37:23

A nɔɔlian ndɛnin a piɔmaa ndaa le, a lɔngɔlian ndɛnin a dɛnnda ndala nɔɔlɛilan a á yɔŋnda vɔɔnnda ndalan kpow le. I ciindiaanin nda o fondala nda vanin icali nin, má tosa hakio lan kpow nin, mì dindi nda ma va vanaa nia, mì ya i va Hala ndaa.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 36:8

Lelan sunsun, la mɛi o lediom coo niaa vana ni bɛndoo, masaa Asiri pɛɛn, o kon i yɔngunin nɔm soa vàálan latiɔn, nɔm nuwviaa vanaa caa ɲaanɔnndo o soa coo-a kínɛí.

Esai 31:3

Esiptenɔɔ vanacieo o co ni, o co Hala le o co le, soa ndɔa visia nda co ni, a co n'ɲina le. Lɔ́ɔ́ Mɛlɛka heelunin baa-o, vana co vannda kandaa-o siɛlanin, mì vanaa o co kandaa-a deli, o kon, mì nda kpede tambu latulu.

Esai 30:2

A co tuusoo Esipte a co ya ɲuna le, a co tuusoo lon le kɔlan vionnɔnndo masaa Esipte o ba bɛngu, le kɔlan yifanndo o vunduma Esipte-an bɛngu!

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

Esai 1:29

Siɛmbulan la biinin niaa le yɔmii soolaa niaa co sooloo-e. Siɛmbulan toalnin niaa le bundɛla soolala niaa kɔngan-ndan.

Condii lisai 146:9

Mɛlɛka nɔ hɔlten vanaa co o lɛŋnde isumialten nin-nda coo, o co vana pɔnɔ ndɔ vi-o a vííyo malaa, kɛɛ tɛɛmbuuo o tɛɛmbuu nɛila vanaa yɔŋ vɔɔnda ni.

Condii lisai 146:3

La tiindan vanaa kpaayaa co o ceendo ho coo-a le, vanndacieea daama nda co ni, a tiwba mà ciindiaa vana le.

2Dɛnnda lemasalan 16:7

Mí Hanani, vana-tɛɛngaa-diom Hala-o kɔa o Asa, masaa Yuda lo, mó dimul ndu aa: «Le tùú n kɛɛ le Mɛlɛka Hala nɔmndo tiindanndo, má tiindan masaa Aram-ndo, vanaa cɔvaa ndu masaa Aram hɛlun nɔm ni.

Tɔŋ miingua 17:16

Masa niaa suilinin kon-ndo bɛnda mò nɔ soa taw le, o bɛnda mò mingi vɛlɛ Israɛlla pum Esipte le soa sɔlaa taw-taw le. Kani Mɛlɛka dimul niaa aa: ‹La muungu lɛ o nɛi kon coo le.›

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Yeremi 49:11

‹La mɛi ya víyaa niaa o ba mì koma suili nda, a laandaa niaa mì koma handu nda hɔlten coo.›»

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Yonas 2:10

Kɛ ya, i solulnin nɔm sálàlan, mì soli condei le kɛndɛi nɔmnde sinaa, mì tosa mɛɛ ya cua ciɛ́ɔn yɛ. Kani Mɛlɛka o ba cindaa fula ni.»