Osee 13:9 - BII BILA

⁹ Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

Osee 13:9 Referans Kwoze

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Tɔŋ miingua 33:26

Mí Moise dimi vɛlɛ aa: «Yesurun sei! Vana-vana siiman a Hala le. Ndu buli halataalaa ni le hunɔɔ niaa malaa. Ndu co o biilu ndɔɔ nin o yumbuyumboo nin ni.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 5:25

Dɛnnda niaala vɔɔnndan la hiŋ ɲɔɔ kpow ni, hakila niaalan la co niaa ɲɛm kɛndɛn mun tuŋɔɔ ni.

Malasi 1:9

Mbɔ̀ la piɛi ya Mɛlɛka, mì ɲulul kɔl a niaa! Niaa ca ko aa mì ce niaa ɲia a laasiaa niaa co kon-ndo kpow? Ya Mɛlɛka-Nɔ-Kpaayaa-Kpow-vo ɲuna nuaa ni.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Talelan 6:32

Kɛ vana-vana tɛm pɛ a vanalanɔ co laa ndɔ loo, vana bolle hiŋnanndo vana kon co ni. Kani vana yeema le ndu pila tɛɛmbɔnndo-o tosa lende ni.

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 33:20

Naa naa, vana naa n kɛsi kɔltan coo-o co Mɛlɛka ni, ndu co naa malaa ni, ndu co vɛlɛ naa kandaa ni, mɛɛ kɔ̀ɔ̀ cɔwvo kanda vana yɛ.

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

Malasi 1:12

Kɛ niaa co diola nilan solio o báà nin ni, mì la va dimio aa tabali Maalii-o co o nɔɔlɛiyo, o co naa kpeku solul te.

Malasi 1:13

Mí la va dimio aa: ‹Sanga kuɛɛ!› La nɔ lebɛɛ oo lebɛɛ le ya le. Ya Mɛlɛka-Nɔ-Kpaayaa-Kpow-vo dimi lende ni. La co ya sálàlan solullo a cɔlua niaa ciimbuu-a a á cɔlua namtaa, lɔ́ɔ́ lepum yɛ á cɔluaa co a nààlan-nda. Vɛ̀ɛ̀ ya cɛl-lɛ niaa sálà vaa lende o ba? Ya Mɛlɛka ɲuna niaa nuaa ni.

2Dɛnnda lemasalan 28:23

Mó solul halaa va Damas-a sálàlan, nduyɛ le halaa kan sangaa tol ndu coo ni. Kani o va dimio aa: «Mɛɛ halaa masaa Aram a mala nda masaa kan nuaa yɛ, ya bɛɛ i solul-lɔ nda sálàlan mà mala ya.» Kɛ mí halaa kan yɔŋnun pow boŋaa le ndu a le Israɛlla kpow.

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Osee 7:15

Ya yɛ, ya pɛɛku nda ni, ya luei bala ndalan yoomuan ni, kɛ yiyan vɔɔndo koni nda nɔ a ya ni.