Osee 13:10 - BII BILA

¹⁰ Ɔ́ɔ̀ niko masa niaa? Mɛɛ o baŋa niko niaa o kobila niaalan kpow nin! Kuɛɛ simlacia niaa co yɛ? A niaa va dimio a nda o kɔɔ aa ya ke niaa masaa a simlacia-a pɛɛn.

Osee 13:10 Referans Kwoze

Osee 8:4

À kennun masaa, à ɲuna ya le, má hɛli simlacia, i ve o sina nin te. Má cɔaw piɔmnda a volin ndan a á sianin ndan, Ken nda tosa ni le laasianndo.

Osee 10:3

O kon a diminin aa: «N nɔ masa le, kani n ke Mɛlɛka lebɛɛ le. Kɛ náà n nɔ bɛɛ masaa, kpeku yɛɛ o solul-lɛnin naa?»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Esai 43:15

Ya co Mɛlɛka ni, O-Diandaa niaa, ya co vana cɔw Israɛlla-o ni, masa niaa ya co ni.

Esai 33:22

Kani Mɛlɛka co vana kialaa n'yama naa ni, ndu co vana yɔngu naa tɔŋndan-ndo ni. Mɛlɛka co masa naa ni, ndu co vana naa ciindiaa ni.

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

Condii lisai 89:18

Kani nɔm co biilu ndaa a kpaayaa ndaa ni. N co hiovɔɔ laci a yoomuan sɔlaa o kɛndɛi nɔmnde bɛngu.

Condii lisai 74:12

Kabi masindɛ, nɔm Hala co masa nuu ni, nɔm tosa ni mì vannda sɔla baŋaa o lɛŋnden coo.

Condii lisai 44:4

O co a mɔɔn cɔvun ndan te nda sɔla lɛŋnden te, o co vɛlɛ kpaaya ndaa le ciindiaa nda le. Kɛ ba nɔm kɛndɔɔ, kpaaya nɔmndo, ɲɛ-tengaa fula nɔm o hɔl-lo a kaola n kaola nda-o tosa kon ni.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

2Masaa 17:4

Kɛ telen pum, mí masaa Asiri ciiku maa Osee yii ndu dúmbú, kani mí Osee yaa kiilaa o So lo, masaa Esipte pɛɛn, mó kɛɛ le muloo malɔɔ Salmanasar, masaa Asiri o ba mɛɛ ndóò dema ndu malɔɔ ndu o ba yɛ. Le hee, mí masaa Asiri bii Osee, mó mal ndu o kaasoo.

1Masaa 12:20

Tuma Israɛlla kpow a tuei maa Yeroboam muungu-o, má bɔɔŋian, má viam kilaa ndu kɔɔli le hunɔɔ o cuungian nda kon, má kɔ suili ndu masaa Israɛlla kpow coo. Fɔ polale Yuda len daama le lo yungu David-o kɔɔli ni.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 7:7

Nda kpow, a co a tuw kpɛikpɛi maa cɛi loamaa bulu. À co simlacia ndaa lumio, masaa ndaa kpow a co cɛɛlɔnndo. Kɛ o nda tɛɛn vana-vana co ya Mɛlɛka veelu le.

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.