Osee 12:7 - BII BILA

⁷ Lelan sisa, niaa cuavaa-imamaa Yakɔb-a, la mùùngú ya Hala niaa o ibuŋ. La vá kelaa o vanakɛndɛyɛi a o sandei nin. La vá Hala niaa tiindanndo le lɔ́ɔ́-lɔ́ɔ̀.

Osee 12:7 Referans Kwoze

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Nsaŋ 2:16

mó dimul vanaa va kangboa pisio-a aa: «La soli nda nanu, la siinguu cɛi Fuɲa nuu cɛi leyula le.»

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 14:21

Kpɛɛnɔn Yerusalɛm ciee a mun Yuda kpow n vanin n'solianndon sálà le baala Mɛlɛka-Nɔ-Kpaayaa-Kpow-vo-o. Mì vanaa vanin hunɔɔ sálàlan solio-a cua kpɛɛnɛn mun le vision yawvo lenin. O telen kon, yulaa ve lɛnin o cɛi Mɛlɛka-Nɔ-Kpaayaa-Kpow-vo o nin te.»

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Amɔs 3:9

‹La heelu diomndan mì la yonda taw-taw o cɛila lemasalan Asdɔd nin a o cɛila lemasala co o lɛŋnde Esipte len nin-ndan nin! La yonda aa: La cuungian o pembon Samari coo, mì la ce dɛnɛ laasiɛiyo a kɔlvesɛi co tosanndo Samaria tɛɛn-ndo.

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.

Esekiɛl 22:29

Vanaa co o lɛŋnde len nin-nda co vannda yɛɛvɔɔ dɔvɔɔ, a co vuilen yɔŋndo, a co vanaa ikɔɔa a vanaa bala fondoa saangiaa le tɔnɔɔ solio nda o n'dial, a co mialla mɔnɛi lueiyo o dí ndaa kpede coo.

Esekiɛl 16:3

Dimi aa nuaa Maalii, o co Mɛlɛka-o dimul nɔm Yerusalɛm ni aa: ‹O lɛŋnde Kanaan-nden nin n kandun ni, lenin n velun ni, Amoriinɔɔ fuɲa nɔm va ni, kala nɔm yɛ Hitiinɔɔ ndu va ni.

Esai 3:5

A saangiannin nda pila vellaa-velle, vanndo saangiaanin caan ndɔ, mì caan ndɔ kon bɛɛ saangiaa vana kon. Poambɔa pɔmbɔa delnin kaasoŋaa yuuvɛiya coo mì vanaa fondoa del vanaa tɔ̀a coo.

Talelan 16:11

Le Mɛlɛka ɲɛla tuvaala n'ɲɛla sandaalan la co ni, ndu toosiaa ɲɛla vana tuu ɲɔɔn-ndan ni.

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

Misee 2:1

«Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.

Esekiɛl 28:5

A vangala bolofaa nɔmndo o yulale n caa taw len nin, le bolofaa nɔm kon, mí kɔl nɔmndo pia a yongaa.

Sakari 5:8

Mí mɛlɛkanɔ kon dimul-la aa: ‹Tɔɔmasele kɔlvesɛiyo n ca nuaa ni.› Mó mingi vanalanɔ kon ɲindɔɔ o kambɛiyo nin, mó mingi kumbu icilin lusulaa kon handɔɔ lecoo.

O Kandɔɔ 49:18

Éé Mɛlɛka! Nɔm ya tiindan ni. Baŋa ya yandi.

Esai 56:1

Nuaa Mɛlɛka dimi ni aa: «La kela o sakpoyɛi nin, mì la tosa dɛnɛ sandaa, kani cinda nuu co nin le tiiya, dɛnɛ ni sandaa co nin le cɔmnɔnndo kpendekele.

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Sakari 7:9

Nuaa Mɛlɛka-Nɔ-Kpaayaa-Kpow-vo soo ni mó dimi aa: La kiolu yaman o sandei nin. La vá vanaa kɛndɛa niaa pila tɛɛn, mì la tuinan ɲííye vellaa-velle.