Osee 12:6 - BII BILA

⁶ Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Osee 12:6 Referans Kwoze

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Sakari 7:9

Nuaa Mɛlɛka-Nɔ-Kpaayaa-Kpow-vo soo ni mó dimi aa: La kiolu yaman o sandei nin. La vá vanaa kɛndɛa niaa pila tɛɛn, mì la tuinan ɲííye vellaa-velle.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Sakari 8:16

La tuei-yɔ ɲɛ niaa bɛnda le tosaa-o la dìmulán toɲaa vellaa-velle, la kiolu yamɛi o sandei nin mì kɔlɲuloo luɛi.

Sakari 1:3

Lelan, dimul Israɛlla aa nuaa Mɛlɛka-Nɔ-Kpaayaa-Kpow-vo soo ni aa: ‹La muungu ya o ibuŋ, mì ya bɛɛ i mulul niaa hɔlla. Mɛlɛka-Nɔ-Kpaayaa-Kpow-vo dimi lende ni.

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Amɔs 5:24

Kɛ i yeema mì dɛnɛ sandaa va tosanndo mɛɛ mɛnndan ma hiaw nuaa yɛ, mì sɔɔn va tosanndo sakpo mɛɛ mɛmma pee pɔmbɔan ma hiaw a yoomuan nuaa yɛ.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Yeremi 22:15

Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Esai 8:17

Ya ya, i co Mɛlɛka tofa, o vin cuavaa Yakɔb-a hɔlaa ndɔa-o pɛɛn. Ndu ya tiindan ni.

Esai 1:16

Le hee, la pulun few-few mì la dindin, la faŋa kɔlvesɛi niaa co tosaa o dɛnnda niaalan nin-ndo ya o hɔl. La pɛngi dɛnɛ vɔɔndo tosaa.

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Condii lisai 123:2

Mɛɛ buɛyaa piaandua tofa vana nɔ nda baa coo-o nuaa yɛ, mɛɛ a laandua tofa vanalanɔ nɔ nda baa coo-o nuaa tuŋ yɛ, lende koni, n co Mɛlɛka Hala naa tofaa ni háá, mò tuinun naa iɲíí, mò mala naa.

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

O Kandɔɔ 49:18

Éé Mɛlɛka! Nɔm ya tiindan ni. Baŋa ya yandi.

Esekiɛl 18:30

Lelan i kialunin yamɛi niɛi mɛɛ dɛnnda vana-vana la co yɛ, niaa cuavaa Israɛlla pɛɛn. Sɔɛi fula Maalii, o co Mɛlɛka-o o sondo-e co ken ni. Lelan la mangalan, mì la mulul dɛnnda niaala vɔɔnndan kpow kɔɔ, yɔŋii biondɔnnda niaalan la siŋnun pow boŋaa le niaa.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»