Osee 12:10 - BII BILA

¹⁰ Ya yɛ, kabi o lɛŋnde Esipte len nin, ya co Mɛlɛka Hala niaa ni. I co vɛlɛ niaa kɛsi o cɛila-kolala-toandaalan bɛngu, maa o palɛi bɔɔŋian lakafoe coo.

Osee 12:10 Referans Kwoze

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»

Yeremi 19:1

Mí Mɛlɛka dimul ya Yeremi aa: «Kɔ piondu kpɛɛnɛi puluei vana cɔavaa n'kpɛɛnɔɔ o ba. Mà hɛli kaasoŋaa kɔlkalua vannda tɛɛn, mà hɛli nda vɛlɛ vanaa-solia-lasálàá tɛɛn.

Yeremi 7:25

Kandɔɔ o paale fuɲaa niaa mamaa fula Esipte len, háá hau, i co niaa vanaa nia baalaa, vanaa-tɛɛngaa-diom Mɛlɛka vimndo. Mì va nda vomɔɔ lepalaa-lepala kandɔɔ idii púŋ.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Amɔs 7:14

Mí Amɔs mulul Amasia aa: «I co vana-tɛɛngaa-diom Hala le, i co vɛlɛ po vana-tɛɛngaa-diom Hala le. Vana mandaa n'cɔloo a vana buulua n'buumbuuo ya co ni.

Osee 3:1

Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Yeremi 25:4

Mɛlɛka pɛngi a niaa vanaa ndɔa baalaa, vanaa-tɛɛngaa-diom Hala-a vimndo le, kɛ la cɛl le nilan yaŋɔɔ mì la tuei le.

Yeremi 19:10

O kon kɔɔli, a pɛl kpɛɛnɛi ken vanaa vanin kan lon-nda o hɔl, a dimul nda aa:

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

1Masaa 19:10

Mó muli aa: «Kaola paŋalaa bɛndoo ya kaola Mɛlɛka ni, Hala-Nɔ-Kpaayaa-Kpow-vo pɛɛn, kani Israɛlla tɛɛmbuu kpema nɔmndo, a pesipesi fondala-loamaa-lasálàla nɔmndan, má diw vanaa-tɛɛngaa-diom Hala-a nɔmnda a mɔɛi cɔwve, ya pilɛ kpé lo yoomu ni. Ya bɛɛ, a co nɛilan nuwviaa le ya diyɔɔ.»

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

1Masaa 13:1

Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

Esekiɛl 17:2

«Po vanacieo sei, vion kaamaa, mà dimul cuavaa Israɛlla bundɛi!

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ lasálàá 23:42

Niaa pilacieea Israɛl, la bɛnda mì la va o kùùlan bɛngu háá mì palɛi ŋɔmmɛvii ken i cuu,

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.