Osee 10:9 - BII BILA

⁹ Niaa Israɛlla, kabi o palɛi niaa va Kibea-e, la co hakilan tosaa tuŋ, la mangalan-ndɔ le. Vɛ̀ɛ̀ o co Kibea lon kpeekpei le cɔwvo toalnin vanaa yɔŋ vɔɔnda coo le?

Osee 10:9 Referans Kwoze

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Masaa kialaa n'yamaa 20:5

mí vannda Kibea hun le ya delɔɔ coo icɔllo, má balu cɛi ya va nin-ndo sɔ́. Ndáà yeema le ya diyɔɔ, kɛ má hini a balufaa nuu, má hiaw ba a ndu háá mó vu.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 10:8

Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».

Osee 10:10

I soaŋnin nda mɛɛ ya yeema yɛ. Vanaa súúla celennda cuungiannin mà del nda coo, mà yiw nda a yɔlɔn le hakila ndala tiɔnndan.