Osee 10:13 - BII BILA

¹³ Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Osee 10:13 Referans Kwoze

SƐBƐ YƆB-O 4:8

Ya, i dɔw sɔɛi pilɛ taasi: Vanaa váà dɛnɛ vɔɔndo-a, vanaa saŋ pɛ kɔlvesɛiyo-a, nda koaw kɔmnde ɲɛm nda saŋ mún-ndon ni.

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Talelan 22:8

Vana saŋ pɛ dɛnɛ sandaa lepɛŋndo, o kow dɛnɛ palaa. Kani sionnde o tosa dɛnɛ vɔɔndo len le yomnin.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Condii lisai 33:16

O co le vanaa cɔvaa sɛ́lɛ́a le masaa sɔla cindaa le. Kuubanɔ cɔwvo sɔla baŋaa le kpaaya ndɔ bɛndoo le.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

Osee 7:3

A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Talelan 19:5

Sei lacòòvaa lonin lende mò kɛɛ sangaa sɔla le. Vana dimia lacòòvaa bɛɛ helunnin sanga kelun le ndu-o le.

Talelan 12:19

Sɔɛi toɲɛi viaw lɔ́ɔ́-lɔ́ɔ̀ ni, kɛ sɔɛi lacòòvɛi ndi le telen bingi cúkpɛ̀ i viaw ni.

Talelan 13:2

Vana tiwba mi vana de sɔɛi sondoi tɔnɔ, kɛ ɲɛ pimi vanaa tosaa dɛnnda vɔɔnda-o co yɔŋ vɔɔndo ni.

Esai 17:11

Paale niaa tɔal tɔlɔɔ kon-nden, la ce ndu vulɔɔ, diimandɔɔ idiiyo, la ce kulun niaan mun cuuloo. Kɛ telen niaa bɛnda le kulun mun kovɔɔ-o, ɲɛ cuulu-o foofi, o kon dɛnɛ palaa kon cɛ̀wnun te.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 4:8

Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.

1Samiɛl 24:14

A sina maa tale masindɔɔ pum dimi aa: ‹O vanaa kɔlvesɛiya nin kɔlvesɛiyo fula ni.› Lelan, ya i co nɔm ɲɛ-ɲɛ vɔɔn tosal te.