Nsaŋ 9:39 - BII BILA

³⁹ Mí Yeesu dimul ndu aa: «I hin le yamɛi kiolɔɔ o ceendo ho coo, haliko mi vanaa sumɛiya ce, mì vanaa co cɔu-va suma.»

Nsaŋ 9:39 Referans Kwoze

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

1Nsaŋ 2:11

Kɛ te vanndo nɔ pɛ nɛyɔn puapilɛ ndɔɔ, mɛɛ o ɲumndan nin ndu co ni, o ɲumma man nin o co kelaa ni, o sínà nɛɛ o co kɔlan-nda le, kani ɲumndan ma cii ndu suumiaa.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

2Korɛntea 2:16

Le vanaa co kɔlan o lou nin-nda yɛ, cun yɔngu vana piɔ́mndo sɔlaa-o co nda diyɔɔ. A co kɔlan o nɛi cindaa coo-a nda, cun yɔngu vana yoomoo-o co nda yoomoo yɔngoo. Nɛ̀ɛ́ tiw yɛ ba mò tosa dɛnɔɔ ho?

Nsaŋ 9:25

Mó mulul nda aa: «Ya ya, i sina le te vana lahakio o co ni. Sɔɛi ndii pilɛ kpé ya sina ni: vana sumɛiyo ya va paandu ni, kɛ nihau, i co cɔu.»

Nsaŋ 8:15

Niaa, o vanacieeyɛi nin kínɛí niaa co vannda yamɛi kiolɔɔ ni. Kɛ ya yɛ, i co vana-vana iyama kiolɔɔ le.

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Luke 13:30

O kon, vanaa mɛɛlaa a pum a vanin vanaa tasea, mì a tasea siŋnun vanaa mɛɛlaa.»

Luke 7:21

Yeesu va vanaa lanàà bɔɔ-bɔɔ singio o telen kon, namtaa a vanaa ɲina vɔɔndo va kɔɔli-a, mí vanaa ve cɔ le-a taw a ca.

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Matie 6:23

kɛ te hɔltan la ve nɔm lakɛndɛ le, dialun nɔmndon kpow n luɛi o ɲumndan nin. Te ɲɛ-tengaa co nɔm niŋ-ndo siŋnun pɛ ɲumndan, mɛɛ ɲumma man ma và ma bɔɔ dɛ!»

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Esai 6:9

Mó dimul-la aa: «Mɛɛ kɔ mà kɔ dimul vannda ha aa: ‹La tuɛinin taw, kɛ la biinin bila le, la canin, kɛ la sinanin pɛɛngu le.›

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.