Nsaŋ 9:31 - BII BILA

³¹ N sina maa Hala mulul vanaa lahakia piɛilen te. Kɛ vana biilu Hala pɛ mo tosa hɛnan ndɔɔ, o mulul vana kon piɛilen.

Nsaŋ 9:31 Referans Kwoze

Talelan 15:29

Mɛlɛka co vanaa kɔlvesɛiya levil, kɛ o tuɛi piɛile vanaa sandaa.

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

Talelan 28:9

Te vanndo kinda pɛ nilan haliko o tuɛi tɔŋndo le, piɛile ndɔlen le siŋnun ɲɛ vɔɔn bɛndoo.

Misee 3:4

Lelan, a koŋulnin Mɛlɛka o lani, kɛ o mululnin nda le. O mululnin nda mundoo, le dɛnnda vɔɔnnda nda tosa lan.»

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Talelan 21:13

Vana kindal pɛ vana bala fondo co koŋullo-o nilan, vana kon bɛɛ sɔlanin muli tuma o veelunin le malaa sɔlaa-o le.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Condii lisai 18:41

A co nda tovɔɔ ya laci, i co vanaa nɔ nɛyɔn nuu-a diwvo.

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

SƐBƐ YƆB-O 35:12

Vannda co yondaa nɛɛ-nɛɛ ka le malaa sɔlaa, le vanaa yongaa a vanaa yɔŋ vɔɔnda cɔlɔbaa, kɛ Hala co muli le.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

Esai 58:9

O kon, telen niaa veelunin-ndo, ya Mɛlɛka mululnin niaa. Te la hun yonda pɛ, i diminin aa: «Yoo! I co nanu!» Te la pɛngi pɛ vannda volɔɔla lusulaalan handɔɔ o lebol, te la mal pɛ dɛnnda kɔngɔlanndan, a tombola tɛɛmbuu vana kɔllo-o,

Condii lisai 143:10

Pɛɛku ya ɲɛ n yeema mì tosa-o, kani nɔm co Hala nuu ni. Màá yiyan kɛndɛ nɔmndo yɔɔ ya o lɛŋnde tɛlɛlɛ len coo!

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

Condii lisai 99:6

Moise nda Aarɔn va vanaa-solia-lasálàá tɛɛn, mí Samiɛl va vanaa lepiɛiya tɛɛn, má piɛi Mɛlɛka, mó mulul nda.

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Hebreea 10:7

O kon mí dimi aa: ‹Ya pila co hunɔɔ o nɔm ndo ni, mì tosa hɛnan nɔmndo, maa mɛɛ o co o sɛvaa a ya o kɔɔ o sɛbɛ diandaa nin yɛ.›»

Tɔŋ miingua 1:45

Mɛɛ niaa muungu, mí la kɔ caŋ Mɛlɛka o hɔl, kɛ o yeŋ niaa lani le, o yeŋnun koŋul niaa va kon-ndo le.

SƐBƐ YƆB-O 35:13

A toɲa, fondo fúú koni nda co koŋullo ni, kani Hala co tueyɔɔ le, Hala Vana-Kpaayaa co bɛɛ ken sondo vow le.

Nsaŋ 9:30

Mí langbanɔɔ mulul nda aa: «Ken kpeekpei co dɛnɛ kɔndɔfillo ni, la sina nɛɛ o fula le. Nduyɛ, ndu kumbi ya hɔltan ni.

Nsaŋ 9:32

Lepilɛ bɛɛ n tui-yɔ maa vanndo kumbi vana velun o sumɛiyo-o hɔltan te.

Nsaŋ 11:22

Kɛ o va bɛɛ sunsun, i sínà maa ɲɛ-ɲɛ n piɛi pɛ Hala, o ke nɔm ndu.»