Nsaŋ 9:29 - BII BILA

²⁹ N sina maa mí Hala ndóò soaa o Moise lo, kɛ hoo ndu, n sina nɛɛ o fula le!»

Nsaŋ 9:29 Referans Kwoze

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Dɛnnda kiilaa 22:22

Haa mí Pol cii diomndan ndan dimi, sɛ́lɔ́ɔ́ va ndu yaŋnɔnndo. O kon kɔɔli, má can yondaa aa: «La dii langbanɔɔ ho, la dii ndu! O bɛnda mò lo yoomu le.»

Dɛnnda kiilaa 7:35

Moise Israɛlla ndáà kɛɛ kon má dimi aa: ‹Nɛ̀ɛ́ siinguu yɛ nɔm simlacinɔɔ a vana kialaa n'yamaa naa coo-o?›, o ndu lo Hala vem mɛlɛkanɔɔ le ndu dimullo mo va simlacinɔ naa a vana baŋaa naa ni, ndu Moise mɛlɛkanɔɔ cɔɔmun kon o bɔɔ nin-ndo pɛɛn.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Nsaŋ 7:27

Telen vana Hala hɛli-o hunnin-ndo, vana-vana sinanin nɛɛ o fulanin-nda le, kɛ langbanɔɔ ho ndu, n sina nɛɛ o fula-a.»

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Matie 26:61

«Langbanɔɔ ho dimi ni maa o nɔla Cɛi-Hala-o tɛɛmbuu mò mingi ndu tangalu o palɛi ndii yáá bɛngu.»

Matie 12:24

Faliisia tueyɔɔ lende, má dimi aa: «A kpaaya Beɛlsebul, bolle ɲinaa vɔɔnda langbanɔɔ ho co ɲinaa vɔɔnda tovɔɔ ni.»

Condii lisai 106:16

Má tambu kɔltan a Moise nda Aarɔn o dɔ́ɔ́ngɔ́ɔ̀ nin, vanaa va teengen le Mɛlɛka-a pɛɛn.

Condii lisai 105:26

O kon, mí Mɛlɛka viam Moise vana baala ndɔɔ a Aarɔn vana o hɛli-o.

Condii lisai 103:7

O cɔm Moise tuula ndɔlan, mó tosa dɛnnda kaamaalan Israɛlla o hɔl.

Condii lisai 22:6

A va nɔm cɛɛŋɔnndo o lani, má va baŋaa sɔlaa. Nɔm ndáà tiindan ni, lelan siɛmbula tul nda le.

2Masaa 9:11

Mí Yehu fula, mó muungu nɛɛ simlacia vana ndɔ bɛndoo va-a. Má kɔ ɲuna ndu aa: «Vɛ o co sɔɛi vɔɔn te? Yɛɛ nɛ vana seemɛi kon ndóò hin yɛ tosa o nɔm ndo?» Mí Yehu mulul nda aa: «Niaa pila sina langbanɔɔ ho a sɔɔn fula ndu o sondo-on!»

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

Tɔŋ miingua 34:10

O Israɛlla tɛɛn, vana-tɛɛngaa-diom Hala oo vana-tɛɛngaa-diom Hala ndóò sulan a Moise le. Ndu ndu, sakpo Mɛlɛka va suukanndo a ndu ni.

Kundalan 16:28

Mí Moise dimi aa: «Mɛɛ niaa sinanin lekɛ́ndɛi maa Mɛlɛka vem ya le vali ya co tosaa-o tosaa ni yɛ, maa i co ɲɛ-ɲɛ tosa a ba ni le yɛ co hoo ni:

Nsaŋ 7:28

O kon, Yeesu va vannda pɛɛkoo o Cɛi-Hala-o nin, mó deŋi aa: «La sina ya, la sina nɛɛ ya fula-a. Nduyɛ i hin a ba ni le: vana niaa bɛnda le laalanndo-o vem ya ni, la sina ndu masinaa le tuŋ.

Nsaŋ 9:30

Mí langbanɔɔ mulul nda aa: «Ken kpeekpei co dɛnɛ kɔndɔfillo ni, la sina nɛɛ o fula le. Nduyɛ, ndu kumbi ya hɔltan ni.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.