Nsaŋ 9:24 - BII BILA

²⁴ Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Nsaŋ 9:24 Referans Kwoze

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

Nsaŋ 19:6

Kɛ bolii vanaa-solia-lasálàá a kpalilla cɔw ndu dɔ́ɔ́, má yonda aa: «Baŋ ndu o yɔm singafilaa coo! Baŋ ndu o yɔm singafilaa coo!» Mí Pilate dimul nda aa: «Niaa pila kɔ baŋ ndu o yɔm singafilaa coo. Kani ya ya, i ci tɛɛmbuu kɛ́-kɛ̀ vana yaala ndu le.»

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Nsaŋ 18:30

Má mulul ndu aa: «Te ndóò tɛɛmbuu isɔɔ le, n ve hunɔɔ a ndu o nɔm ndo le.»

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Nsaŋ 14:30

I suu lɛnin sɔɔn bɔɔ o niaa lo le, kani vana co masalen tosaa o ceendo ho coo-o co hunɔɔ. O nɔ kpaaya ya coo le.

Nsaŋ 8:49

Mí Yeesu muli aa: «Ɲina vɔɔn co ya nin te, kɛ Fuɲa nuu ya co bɛɛlen keo ni, mì niaa va ya bɛ̀ɛ̀lan tɛɛmbuuo.

Nsaŋ 8:46

O niaa tɛɛn, nɛ̀ɛ́ cɔm yɛ ya maa i tosa hakio? Te toɲaa ya co yɛ dimio ni, le yɛɛ niaa co yɛ niko ya kɛɔ laalanndo?

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Luke 19:7

Vannda kpow ndáà cɔu lende, má va sɔɔn pɔmbɔn dimio aa: «Tofa vɔ, o kɔɛ o yiya o vana lahakio lo cɛinin.»

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Marke 15:27

Má baŋ ndu latulu nda vanaa yɔŋ vɔɔnda pum nda ŋiɔn, hoo o ba ndɔ kɛndɔɔ coo, o pilɔɔ o ba ndɔ mɛllo coo.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Ɛsdras 10:11

Lelan, la sɔlɔlan hakila niaalan Mɛlɛka Hala fuɲaa niaa mamaa o hɔl, mì la tosa mɛɛ hɛnan ndɔɔ co yɛ, la sɛyan a vanaa co o lɛŋnden nden nin-nda, mì la mal vɛlɛ laandaa mangalaa isɔaa co niaa o ba-a.»

Nsaŋ 9:25

Mó mulul nda aa: «Ya ya, i sina le te vana lahakio o co ni. Sɔɛi ndii pilɛ kpé ya sina ni: vana sumɛiyo ya va paandu ni, kɛ nihau, i co cɔu.»

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.