Nsaŋ 9:22 - BII BILA

²² Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Nsaŋ 9:22 Referans Kwoze

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Nsaŋ 7:13

Kɛ nduyɛ, vana-vana ve isɔɔ vakpa a ndu o kɔɔ le, kani siòònde va nda a Yuifia.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Nsaŋ 9:34

Má mulul ndu aa: «Nɔm pila kpow, o hakio nin n velun ni, nɔm kon hun naa pɛɛkoo ni!» Má ɲindu ndu o bɛ́ɛ̀.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Dɛnnda kiilaa 5:13

Kɛ vana-vana celen ve tɔɔndan le nda luɛyɔɔ tɛɛn te. Nduyɛ vannda va sɔɔn kɛndɔn dimio taw a nda o kɔɔ.

Dɛnnda kiilaa 4:18

O kon kɔɔli, má veelu nda, má kuuna nda maa a soaa lɛ le, te kon te a pɛɛku lɛ vannda o diola Yeesu lan lɔ́ɔ́-lɔ́ɔ̀ le.

Nsaŋ 20:19

Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Nsaŋ 19:38

O kon kɔɔli, mí Yosɛf fula Arimatee-o kɔ ɲuna Pilate maa o cɛl mò tuisi dialun Yeesu-on. Mí Pilate cɛl, mó kɔ faŋa dialun Yeesu-on. Yosɛf kon bɛɛ kaandennɔ Yeesu-o o va ni, kɛ o vionnɔnndo nin, kani siòònde va ndu a Yuifia.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 9:18

Kɛ Yuifia laalan maa o sumɛi le langbanɔ kon va mó ca le few. Le hee, má veelu vanaa po kalaa,

Nsaŋ 9:21

Kɛ n sina mɛɛ o looku cɔ yɛ le, hali vana kumbi ndu hɔltan-ndo, n sina ndu le. La ɲuna ndu pila, o co lɛ cuaambɔ le o co le, o cɔmnin niaa mɛɛ dɛnɔɔ tosalan ndu yɛ.»

Nsaŋ 9:35

Mɛɛ Yeesu tuɛi maa a cii ndu soli o bɛ́ɛ̀, mó komal ndu, mó ɲuna ndu aa: «A laalan pá Po vanacieo?»