Nsaŋ 9:16 - BII BILA

¹⁶ Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»

Nsaŋ 9:16 Referans Kwoze

Nsaŋ 10:19

O kon mí sɛyanndo yɔŋnun vɛlɛ Yuifia tɛɛn le sɔɔn mun.

Nsaŋ 7:43

O kon mí sɛyanndo yɔŋnun sɛ́lɔ́ɔ́ tɛɛn o sɔɛi ndɔɛi ken coo.

Nsaŋ 7:12

Mí vannda va sɔɔn pɔmbɔn taw o sɛ́lɔ́ɔ́ tɛɛn a ndu o kɔɔ. A pum va dimio aa: «Vana tosaa dɛnɛ kɛndɔɔ o co ni.» Mí a pum nda va dimio aa: «Ɛ-ɛ, vannda o co lueiyo o pɔwlan nin ni.»

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Matie 12:2

Faliisia cɔu ken, má dimul ndu aa: «Tofa vɔ kaandeŋaa nɔmnda, a co ɲɛ bɛnda le tosa o paale pɛngiaalen coo loo tosaa.»

Nsaŋ 15:24

Te yáà tosá dɛnnda vana celen nɔ̀la tosà le lan nda tɛɛn te, ndáà nɔ nin haki le. Kɛ nihau, a ce lan, o kon má kɛɛ ya naa Fuɲa nuu.

Nsaŋ 14:11

La làálán ya le tùú ya co dimio maa i co Pua nin, mì Pua va ya nin-ndo. Te kon te, la làálán le dɛnnda ya tosa lan.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Nsaŋ 6:52

Mí Yuifia va sɛɛngianndo nda pila tɛɛn, ma va ɲunaa aa: «Vɛɛ o ke yɛnin naa dialun ndɔn le dioo?»

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Dɛnnda kiilaa 14:4

Mí vanaa va o kobi kon nin-nda a piɔvian: mí a pum sim Yuifia kɔɔli, mí a pilla nda sim kiilaa kɔɔli.

Matie 12:10

Langbanɔ ba vílɛ́iyo pum va lon. Má ɲuna Yeesu aa: «Vɛ̀ɛ̀ o co pá o cɛlnan le vannda singio o paale pɛngiaalen coo?» Nɛila ndáà handu ndu sɔɛi coo lan nda va nuwviaa kon lende ni.

Luke 13:14

Kɛ mí vana lebol va o cɛi lekaando nin-ndo tambu kɔllo le singi Yeesu singi vuɛɛn kon o paale pɛngiaalen coo-o. Mí vana lebol kon dimul vannda aa: «Palɛi ndii ŋɔmpun i co le vallo ni, la hun mì la sɔla siongɔɔ o palɛi ken bɛngu, kɛ o co o paale pɛngiaalen coo le.»

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 5:10

Nduyɛ paale pɛngiaalen le va ɲinkon ni, o kon mí Yuifia dimul vana Yeesu singi kon-ndo aa: «Paale pɛngiaalen le co hau ni, a bɛnda ma siilun ɲɛ hinia nɔmndo le.»

Nsaŋ 7:23

Te la dii pɛ vanndo tooma o paale pɛngiaalen coo, haliko la del kasi a tɔŋ Moise-o le, le yɛɛ niaa tambu yɛ niko kɔl a ya le vanaciee ya singi o paale pɛngiaalen coo-o?