Nsaŋ 8:9 - BII BILA

⁹ Ndáà tueyɔɔ lende, má muungun a pilɛn-pilɛn, kandɔɔ a kaasonnda. Mí Yeesu lo nda vuɛɛn kon kpé, vuɛɛndo va isisi o lawvo tɛɛn.

Nsaŋ 8:9 Referans Kwoze

Rɔmnda 2:15

Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

Vana Kɔlkaloo 7:22

Kani nɔm bɛɛ, a sinà maa a co caanda congòó lɔ́ɔ́-lɔ́ɔ̀.

1Nsaŋ 3:20

Mɛ̀ɛ́-mɛ̀ɛ́ kɔlta naalan la yaala naa, n sínà maa Hala hiow vaa o bɔɔ a kɔlta naalan, nduyɛ o sínà dɛnndan kpow.

Rɔmnda 2:22

A co dimio maa vana suunda le, vɛ mì nɔm pila va suundaa? Piɔmnda nɛinun nɔm, kɛ nduyɛ a co kɔlan ɲɛm co o máánndan nin-ndon ciimbuuo.

Nsaŋ 8:10

O kon mí Yeesu can, mó ɲuna ndu aa: «Vuɛɛndo, ɔ́ɔ̀ vanaa lɔlu nɔm-nda? Vana-vana yaala nɔm te?»

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Luke 13:17

Telen Yeesu va mulio ho yɔngoo-o, mí siɛmbulan la bii yaamɔaa ndɔa kpow. Kɛ nduyɛ, ɲaaloo va vannda taw le dɛnnda kɔndɔfilta o va tosaa lan.

Condii lisai 71:13

Màá siɛmbulan la bii vanaa co ya ciŋilanndo-a! Màá a tambu labɛɛ mà laasian, vanaa yeema le ya dɛnɛ palaa tuisio coo-a!

Condii lisai 50:21

Dɛnnda niaa va tosaa mì va meinɔnndo lan la co lan ni. La co yiyanndo maa mɛɛ niaa co yɛ ya co ni. Kɛ i bii niaa tɛ̀ɛ̀, i co dɛnnda lan soli niaa o hɔl vakpa.

Condii lisai 40:14

Mɛlɛka, baŋa ya yandi. Hun cɔ́-cɔ́, ma mala ya.

SƐBƐ YƆB-O 20:27

Halataala cɔɔmuunin yɔŋ ndɔ vɔɔndo, mì lɛŋnden le simul ndu.

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

1Masaa 2:44

O kon mí masaa dimul ndu vɛlɛ aa: «Nɔm pila sina dɛnɛ vɔɔn n tosal David fuɲa ni-o, kɔl nɔmndo co lesei. Lelan Mɛlɛka co nɔm màá kon mingul.

Nsaŋ 8:2

Kɛ paalen siɔu dɔ́ɔ́, mó muungu o Cɛi-Hala-o nin, mí vannda kpow a hun o ndu lo. Mó cal le nda pɛɛkoo.

Nsaŋ 8:3

O kon mí vanaa pɛɛkaa latɔŋnda a Faliisia hun a vuɛɛn nda bii o suundaa-o,

Nsaŋ 8:8

O kon kɔɔli, mó tundun vɛlɛ sɛvaa lɛŋ.