Nsaŋ 8:56 - BII BILA

⁵⁶ Mí Abraham fuɲa nia dɔawnun ɲaale, kani ndóò nɔ o kɔl maa ndóò canin paale ya va hunɔɔ len, nduyɛ mó ca len, mó dɔawnun ɲaale taw.»

Nsaŋ 8:56 Referans Kwoze

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Nsaŋ 8:39

Má mulul ndu aa: «Abraham co fuɲa naa ni.» Mí Yeesu dimul nda aa: «Te cuavaa Abraham-nda niaa co ni, mɛɛ la tosa dɛnndan maa Abraham.

Matie 13:17

I co niaa toɲaa dimul, vanaa-tɛɛngaa-diom Hala-a a vanaa sandaa bɔɔ-bɔɔ ndáà yeema mì ndáà ce ɲɛ niaa co cɔu-vo, kɛ a cí le, mì ndáà tuei ɲɛ niaa co tueyɔɔ-o, kɛ a tuí le.»

Luke 10:24

Kani mì dimul niaa, vanaa-tɛɛngaa-diom Hala-a bɔɔ-bɔɔ a masaa bɔɔ-bɔɔ ndáà yeema mì ndáà ce dɛnndan ndan, kɛ a ci lan te. Ndáà yeema mì ndáà tuei ɲɛ niaa co hoo tueyɔɔ-o, kɛ a tui ndu le.»

Hebreea 11:39

Nda kpow, má sɔla seile kɛndɛlen le laalan ndaa, kɛ a sɔla ɲɛm Hala ndóò dimul nda-on te.

Nsaŋ 8:37

I sina maa cuavaa-imamaa Abraham-nda niaa co ni, kɛ la co nɛilan nuwviaa le ya diyɔɔ, kani sɔɔn nun co niaa hɛnan te.

Nsaŋ 10:25

Mí Yeesu mulul nda aa: «I dimúl nin niaa ndi, la co laalan te. Dɛnnda ya co tosaa o diola Fuɲa nuu lan la co seilen tɛndaa a ya o kɔɔ.