Nsaŋ 8:54 - BII BILA

⁵⁴ Mí Yeesu muli aa: «Te ya pila sangalan pɛ, mɛɛ biilu nuu co ɲɛ-ɲɛ le. Fuɲa nuu bɛnda le ya biiloo ni, o niaa co kon dimio maa ndu co Hala niaa ni-o pɛɛn!

Nsaŋ 8:54 Referans Kwoze

Nsaŋ 8:50

Ya, o co biilu ni ya pila le ya co nuwviaa le, vana pum co ndu nuwviaa ni, ndu kialu yamɛi ni.

Talelan 25:27

O niŋ mì vana hiw lɛan dio le. O niŋ vɛlɛ mì vana hiw bɛɛlen nuwviaa le.

2Piɛr 1:17

Kani o sɔla bɛɛlen a biiloo Hala Fuɲaa o ba, telen o tuei diomndo fulaa o biilu bɛndu Hala-o nin, mó dimul ndu-o aa: «Po ni ya kaola taw-vo co hoo ni, o ya hɛli a kɔl nuu kpow-vo!»

2Korɛntea 10:18

Kani o co vana lisàn haliko mi vannda a bii ndu biyɔɔ kɛndɔɔ-o le Mɛlɛka cɛl te, fɔ vana ndu Mɛlɛka lisa-o.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Nsaŋ 8:41

Dɛnnda fuɲa nia lan niaa co tosaa ni.» Má dimul ndu aa: «N co cuavaa sámá le. Fuɲa ndu pilɛ kpé naa n nɔ ni, Hala pɛɛn.»

Nsaŋ 7:18

Vana co sɔɔn ndu pila-on dimio-o, biilu ndɔ ndu pila-o o nuwviaa ni, kɛ vana co biilu vana vem ndu-o nuwvia-o, vana toɲaa co kon ni, kafala co ndu nin te.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Nsaŋ 5:41

O co candula vanndacieea le ya co kɔɔli le.

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Osee 1:9

Mí Mɛlɛka dimul Osee aa: «Ke ndu diolan aa Lo-Ammi (kon co dimio ni aa «Co-Yungu-Ni-Le»). Kani niaa Israɛlla, la co lɛ yungu ni le, ya bɛɛ, i ve lɛnin ɲɛ-ɲɛ niaa le.»

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.