Nsaŋ 8:52 - BII BILA

⁵² Mí Yuifia dimul ndu aa: «N sina nihau maa ɲina vɔɔndo co nɔm nin ni. Abraham vi, vanaa-tɛɛngaa-diom Hala-a bɛɛ co hau ciee-piɔ́m, nɔm hin naa dimullo maa vana bii pɛ sɔɔn nɔmndon, o vinin te.

Nsaŋ 8:52 Referans Kwoze

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Nsaŋ 8:48

Mí Yuifia mulul ndu aa: «N nɔ manɔa di le dimio maa Samarinɔɔ le n co, mì ɲina vɔɔndo va nɔm nin te?»

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Matie 11:18

Kani Nsaŋ hin, o ve dio le, o ve kolɔɔ le, mí vannda dimi aa: ‹Ɲina vɔɔndo co ndu nin ni.›

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 7:20

Mí sɛ́lɔ́ɔ́ mulul ndu aa: «Ɲina vɔɔndo co nɔm nin ni, ndu co nɛilan nuwviaa le nɔm diyɔɔ ni.»

Nsaŋ 8:22

Mí Yuifia dimi aa: «Mò va maa ndu pila co diinɔn ni, kani o co dimio maa la nɔla hunɔɔ nɛɛ ya co kɔlan-nda le?»

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.