Nsaŋ 8:42 - BII BILA

⁴² Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Nsaŋ 8:42 Referans Kwoze

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 14:10

A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Nsaŋ 5:43

O diola Fuɲa nuu ya hin ni, nduyɛ la cɛl-la le. Te vana celen hin pɛ o diola ndɔla ndu pila lan, la cɛl ndu.

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 16:30

N síná nihau maa a sínà dɛnndan kpow, hali mi vana ɲuna lɛhau nɔm te, lelan n laalan maa o Hala lo n fula ni.»

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.