Nsaŋ 8:34 - BII BILA

³⁴ Mí Yeesu mulul nda aa: «I co niaa toɲaa dimul kpendekele, vana-vana tosa pɛ hakio, ndu siŋnun cɛ hakio.

Nsaŋ 8:34 Referans Kwoze

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

Rɔmnda 6:12

Lelan, la cɛl mì hakio nɔ kpaayaa dialun niaan puulun n co vu-on coo le, la cɛl mò tundu niaa o yeemɛi ndɔɛi vɔɔnde bɛngu le.

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

Rɔmnda 7:25

Balikaa co le Hala o diola Maalii naa Yeesu Krista lan! Kani i co bɛɛ o tɔŋ hakio bɛngu o dialun nun nin nuaa, kɛ i co tɔŋ Hala-o biyɔɔ o kɔl nuu nin.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

Rɔmnda 8:21

Ɲɛm mun bɛɛ n co hunɔɔ fula o cɛle len nin, n si lɛnin te. Mì mun bɛɛ n sɔla naŋɔɔ bɛndu cuavaa Hala-a sɔlanin-ndo.

Rɔmnda 7:14

N sinà ndi maa dɛnɛ kɔllo tɔŋndo co ni, kɛ ya, vanaciee n'faloo daama ya co ni, o pisia ya co hakio o ba ni, mì va cɛ ndɔɔ.

Dɛnnda kiilaa 8:23

Kani i ce maa kɔl nɔmndo co o piaa a mɔnɛi mà va o yiyaa a yɔŋ vɔɔndo.»

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Matie 5:18

I co niaa toɲaa dimul, te halataalaa a lɛŋnden le co vɔ pɛ, hali diomnde hiow dɔɔnanndo len, te kon te sɛva hiow dɔɔnanndo-o faŋannin o tɔŋndo coo le, háá mì mɛɛlula ɲɛ-ɲɛ la tiiya.