Nsaŋ 8:33 - BII BILA

³³ Má mulul ndu aa: «Cuavaa-imamaa Abraham-nda naa n co ni, lepilɛ bɛɛ n tosa lecɛ vana o ba le, le yɛɛ n co yɛ naa dimullo maa mì n fula o cɛlen nin?»

Nsaŋ 8:33 Referans Kwoze

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Nsaŋ 8:39

Má mulul ndu aa: «Abraham co fuɲa naa ni.» Mí Yeesu dimul nda aa: «Te cuavaa Abraham-nda niaa co ni, mɛɛ la tosa dɛnndan maa Abraham.

Nsaŋ 8:37

I sina maa cuavaa-imamaa Abraham-nda niaa co ni, kɛ la co nɛilan nuwviaa le ya diyɔɔ, kani sɔɔn nun co niaa hɛnan te.

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

Nsaŋ 19:25

Kalaa Yeesu, pɔmbɔɔ kalaa Yeesu, a Mari lanɔɔ Kulopas a Mari fula Makadala-o va isisi o yɔm singafilaa Yeesu-o ikɛi.

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Masaa kialaa n'yamaa 4:3

Mí cuavaa Israɛlla koŋul Mɛlɛka o lani, Yabin ndóò nɔ ɲɛla ɲaanannda icilinnda soa nan-ndan kɛmɛ leŋɔmahiɔɔlu. Mó bɛpɛla Israɛlla o vɔsilan bidiin bɛngu.

Masaa kialaa n'yamaa 3:8

Mí Mɛlɛka tuulu kɔl a Israɛlla, mó mal nda Kusan-Riseataim masaa Mesopotamii o ba. Vɔsilan tan ŋɔmaa a va ndu o ba o cɛlen nin.

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

Tɔŋ lasálàá 25:42

Kani Israɛlla, vanaa niaa baalaa nda co ni, ya soli nda Esipte ni. Vana bɛnda ma pisi nda mɛɛ vana pisi cɛa yɛ le.

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Nsaŋ 8:43

Le yɛɛ niaa co yɛ kɛɔ sɔɛi nii bila biyɔɔ? Kani la yeema mì la tuei sɔɔn nun te.

Rɔmnda 9:7

Kani cuavaa-imamaa Abraham-nda nda co ni, o co mɛɛ nda co kpede yɛ le nda co cuavaa Abraham-nda le. Kani mí Hala dimul Abraham aa: «O Isake nin cuavaa-imamaa ya yiilu nɔm kpemaa-a fulanin ni.»