Nsaŋ 8:31 - BII BILA

³¹ O kon mí Yeesu dimul Yuifia ndáà laalan ndu-a aa: «Te la lo pɛ sɔɛi nii biyɔɔ, mɛɛ kaandeŋaa nia lekɛ́ndɛi niaa co ni,

Nsaŋ 8:31 Referans Kwoze

2Nsaŋ 1:9

Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.

2Timote 3:14

Nɔm nɔm, sɔɔn n pɛi má laalan mun-ndon, lo mun biyɔɔ tuŋ. A sínà vana n pɛɛku mun o ba-o,

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

1Samiɛl 12:14

Te la nɔ pɛ siòòŋii Mɛlɛka-e, te la tosal pɛ ndu baalaa, te la tuei pɛ ndu diom, te la bii pɛ sɔɛi ndɔɛi mì la tosa lanila kalu le silala ndɔlan biyɔɔ le, mɛɛ niaa pila a masa niaa, la lonin ndu Mɛlɛka Hala niaa kɔɔli.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Nsaŋ 8:36

Lelan te Poo soli pɛ niaa o cɛlen nin, la sɔla hɔ́ɔ́yɛi kpeekpei-ye.

Nsaŋ 6:55

Kani balo kpeekpeiyo dialun nun co ni, ɲɛ kolaa kpeekpeiyo kooma nian ma co ni.

Dɛnnda kiilaa 13:43

Bɔŋanndo cuvɔɔ, mí Yuifia bɔɔ-bɔɔ a vanaa sina Hala le-a, a va o kaannde Yuifia-a a del Pol nda Barnabas kɔɔli. Má suukan nda ndaa, má luei nda yoomuan maa a hiow laci a kɛndɛi Hala-e tiindanndo.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

1Timote 2:15

Kɛ nduyɛ vanalanɔɔ nɔla mò sɔla cindaa, te o sɔla pɛ cuawva, mò lo o laalanndo a o kaolaa coo, mò va vɛlɛ o diandaa Mɛlɛka o hɔl o tuisinndo nin.

Nsaŋ 1:47

Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Nsaŋ 2:2

Yeesu bɛɛ va o veelaa o kafo kon nda kaandeŋaa ndɔa.