Nsaŋ 8:28 - BII BILA

²⁸ O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Nsaŋ 8:28 Referans Kwoze

Nsaŋ 5:30

Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Nsaŋ 3:14

Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Dɛnnda kiilaa 4:4

Kɛ nduyɛ, o vanáà tuei sɔɔn mun-nda tɛɛn, mí vanaa bɔɔ-bɔɔ laalan, mí kunda vanaa laalannda cɔɔlun háá vannda vàálan tan ŋuɛɛnu.

Dɛnnda kiilaa 2:41

Mí vanaa cɛl sɔɛi Piɛr dimi-e-a sɔla yinɔɔ. Paale len, vanaa handun vanaa laalannda coo-a va le vàálan tan yáá.

Nsaŋ 19:18

Lon nda baŋ Yeesu o yɔm singafilaa coo ni. Má baŋ vɛlɛ langbaa pum nda ŋiɔn Yeesu o kpengun miunndon coo, mí ndu va nda tɛɛn.

Nsaŋ 16:10

A co vɛlɛ o pɔwlan nin a sandei o kɔɔ, kani o Pua lo ya co kɔlan ni, la ci lɛnin ya le.

Nsaŋ 11:42

Ya, i sínà maa a co ya mulullo lɔ́ɔ́-lɔ́ɔ̀, kɛ le sɛ́lɛ́ sim hoo nan-ndo ya co sɔɛi nuaa ni, haliko ma sina maa nɔm vem ya ni.»

Nsaŋ 8:24

Lelan ya dimi ni maa la vunin o hakila niaalan nin. Kani te la laalan maa Ya co le, la vi o hakila niaalan nin.»

Nsaŋ 3:11

I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

Matie 24:5

Kani vanaa bɔɔ-bɔɔ a hunnin o diola nilan, mà dimi aa: ‹Ya co Krista ni.› À lueinin vannda taw o pɔwlan nin.

Marke 13:6

Vanaa bɔɔ-bɔɔ a hunnin o diola nilan, mà dimi aa: ‹Ya co ndu ni›. À lueinin vannda taw o pɔwlan nin.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Nsaŋ 4:26

Mí Yeesu dimul ndu aa: «Ya kpeekpei co ndu ni, ya co hoo sɔɛi o nɔm ndo-o pɛɛn!»

Nsaŋ 8:27

A bii bila maa a Pua o kɔɔ le o va nda dimul kon te.

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Nsaŋ 13:19

I co niaa ndi pɔɔ dimul lɔ́ɔ́ pá mì dɛnɛ kon hun tosan, o kon o hun tosan pɛ, la laalan maa Ya co I co ni.

Nsaŋ 18:32

Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.