Nsaŋ 8:24 - BII BILA

²⁴ Lelan ya dimi ni maa la vunin o hakila niaalan nin. Kani te la laalan maa Ya co le, la vi o hakila niaalan nin.»

Nsaŋ 8:24 Referans Kwoze

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Nsaŋ 3:18

Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Nsaŋ 13:19

I co niaa ndi pɔɔ dimul lɔ́ɔ́ pá mì dɛnɛ kon hun tosan, o kon o hun tosan pɛ, la laalan maa Ya co I co ni.

Nsaŋ 4:26

Mí Yeesu dimul ndu aa: «Ya kpeekpei co ndu ni, ya co hoo sɔɛi o nɔm ndo-o pɛɛn!»

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Nsaŋ 8:21

Mí Yeesu dimul nda vɛlɛ aa: «I co lakɔnnɔn mì la koma nuwviaa ya, mì la vi o haki niaa nin. La nɔla kɔlan nɛɛ ya co kɔlan-nda le.»

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Marke 13:6

Vanaa bɔɔ-bɔɔ a hunnin o diola nilan, mà dimi aa: ‹Ya co ndu ni›. À lueinin vannda taw o pɔwlan nin.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Fulaa 3:14

Mí Hala dimul ndu aa: «Ya co I CO ni.» Mó cɔɔlu vɛlɛ dimi aa: «Dimul Israɛlla aa I CO vem ya o niaa lo ni.»

Matie 24:5

Kani vanaa bɔɔ-bɔɔ a hunnin o diola nilan, mà dimi aa: ‹Ya co Krista ni.› À lueinin vannda taw o pɔwlan nin.

Nsaŋ 8:25

Má ɲuna ndu aa: «Nɛ̀ɛ́ n co yɛ?» Mí Yeesu mulul nda aa: «Kabi o tasendɔ, vana ya dimul niaa maa ndu ya co ni-o, ndu ya co ni.

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»