Nsaŋ 8:2 - BII BILA

² Kɛ paalen siɔu dɔ́ɔ́, mó muungu o Cɛi-Hala-o nin, mí vannda kpow a hun o ndu lo. Mó cal le nda pɛɛkoo.

Nsaŋ 8:2 Referans Kwoze

Matie 26:55

O kon kɔɔli, mí Yeesu dimul sɛ́lɔ́ɔ́ aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui? Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le.

Luke 21:37

Ipala Yeesu ndóò pɛɛku vannda o Cɛi-Hala-o nin ni. Icɔl, o kɔɛ, o kɔ lɔl o pembii nda veelu aa Pembii n'oliviee-e coo.

Luke 4:20

O kon, mó simbul sɛbɛ kalaa, mó mingi ndu vana baalaa o ba, mó cal. Vanaa va o cɛi lekaando nin-nda kpow a va ndu tofaa.

Luke 5:3

Mó luɛi o dɛ̀ndɔ̀ɔ́ pilɛ nin, dɛ̀ndɛ̀ Simɔn-ndo pɛɛn, mó dimul Simɔn maa o faŋan kɔngɔɔ mò kɔɛ ɲɛ-pɔmbɔ o mɛnndan coo. O kon kɔɔli, mí Yeesu cal o dɛ̀ndɔ̀ɔ́ nin, mó va vannda pɛɛkoo.

Nsaŋ 8:20

Telen Yeesu va vannda pɛɛkoo o Cɛi-Hala-o nin-ndo o dimi sɔɔn mun ni, nɛɛ nda vow bolofaa-a. Vana-vana bii ndu le, kani telen ndɔɔ ndóò tiiya vɔ le.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Yeremi 44:4

Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Luke 21:38

Paalen léè sɛ dɔ́ɔ́ pɛ, vannda kpow ndáà hin le ndu nilan yaŋɔɔ o Cɛi-Hala-o nin.

Nsaŋ 8:3

O kon mí vanaa pɛɛkaa latɔŋnda a Faliisia hun a vuɛɛn nda bii o suundaa-o,

Dɛnnda kiilaa 5:21

Mí kiila tosa mɛɛ nda dimul nda yɛ. Paalen siɔu dɔ́ɔ́, má kɔa o Cɛi-Hala-o nin, má kandu vannda pɛɛkoo. Mɛɛ bolle vanaa-solia-lasálàá a vanaa va ndu ikɛi-ya hin, má veelu vanaa kialaa n'yamaa lelɛŋnda a simlacia lelɛŋnda Israɛl kpow. Má viam vannda le kɔlan kiilaa kan cuaa o kaasoo le hunɔɔ a nda.