Nsaŋ 8:19 - BII BILA

¹⁹ O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Nsaŋ 8:19 Referans Kwoze

Nsaŋ 16:3

A tosanin ken le tùú nda kɛɛ ya a Pua sinaa-o.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Nsaŋ 7:28

O kon, Yeesu va vannda pɛɛkoo o Cɛi-Hala-o nin, mó deŋi aa: «La sina ya, la sina nɛɛ ya fula-a. Nduyɛ i hin a ba ni le: vana niaa bɛnda le laalanndo-o vem ya ni, la sina ndu masinaa le tuŋ.

Nsaŋ 1:10

O va o ceendo coo. A ndu ceendo toosian ni, kɛ ceendo sina ndu le.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

2Nsaŋ 1:9

Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Kalatea 4:9

Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Yeremi 22:16

O va sɔɛi le vanaa bala fondoa a le vanaa ikɔɔa, mí ɲɛ-ɲɛ va kɔlan o kɛndɛ. Vana kela pɛ lende, mɛɛ ndu cɔm maa o sina ya. Sɔɛi fula ya Mɛlɛka o sondo-e co ken ni.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Efɛsea 1:17

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

1Nsaŋ 2:23

Vana-vana kɛɛ pɛ Poo, mɛɛ o nɔ vɛlɛ Fuɲaa le, vana sɔlɔlan pɛ sɔɛi Poo, ndu nɔ vɛlɛ Fuɲaa.