Nsaŋ 8:15 - BII BILA

¹⁵ Niaa, o vanacieeyɛi nin kínɛí niaa co vannda yamɛi kiolɔɔ ni. Kɛ ya yɛ, i co vana-vana iyama kiolɔɔ le.

Nsaŋ 8:15 Referans Kwoze

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Nsaŋ 12:47

Te vanndo tuei pɛ sɔɔn nun, mò bii mun te, o co ya le kialu ndu iyama le, kani i hin le ceendo yaala le, kɛ le ndu ciindiaa.

Nsaŋ 7:24

La kialu yamɛi le kiolɔɔ lan te, kɛ la va pɛ yamɛi kiolɔɔ, la kiolu yamɛi sandɛi sakpo.»

Nsaŋ 3:17

Kani Hala vim Po ndɔɔ o ceendo coo le ceendo iyama kilul te, kɛ haliko mi ceendo sɔla cindaa ndu o ba.

Nsaŋ 18:36

Mí Yeesu muli aa: «Masale nilen le co o ceendo coo nanu le. Te masale nilen léè va pɛ o ceendo ho coo, buɛyaa niaa va isisi le ya. Ndáà cɛlnin mì ndáà hin a ya o simlacia Yuifia lo le, kɛ sunsun masale nilen le co ɲɛ vaa ceen nanu le.»

1Korɛntea 2:15

Vana Hala Kɔl-Diandaa co nin-ndo nɔla mò kelu dɛnndan kpow iyama, kɛ vana celen nɔla mò kelu ndu iyama le.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Nsaŋ 8:11

Mó muli aa: «Vana bɛɛ Maalii.» Mí Yeesu dimul ndu aa: «Ya bɛɛ, i yaalanin nɔm te, kɔnnun, kɛ kɔ tosa lɛ haki le.»

Amɔs 5:7

A co lólòó vowvo o yaman kiolɔɔ nin, a co dɛnɛ sandaa nɛwvo lɛŋ.

Nsaki 2:4

vɛ̀ɛ̀ o co hiyanndo le niaa tosa kon niaa pila tɛɛn te? O co yamaa nɔ yiyannda vɔɔnndan-nda le niaa siŋnun o kon te?

Luke 12:14

Mí Yeesu ɲuna ndu aa: «Fallo, nɛ̀ɛ́ kɛsi yɛ ya le vaa vana kialaa n'yamaa a vana piɔvaa n'ɲɔɔ niaa tɛɛn?»

Habakuk 1:4

Lelan, vannda co lɛ tɔŋndo biyɔɔ le, sandei cuu few. Vana kɔlvesɛiyo co vana sandu-o kafalan tosallo, mì yaman lacòòvan va kiolɔnndo.

Amɔs 6:12

Vɛ̀ɛ̀ soa nɔla ma ɲaanun o pow kpovaa coo? Vɛ̀ɛ̀ vana váà a navaa vàá o pow bandíláà coo? Kɛ niaa, la mangala dɛnɛ sakpoo maa bɔtà, mì la mingi kɔmnde dɛnɛ sandaa maa ɲɛ lolo.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.