Nsaŋ 8:12 - BII BILA

¹² Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Nsaŋ 8:12 Referans Kwoze

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.

Nsaŋ 9:5

Telen ya co o ceendo coo-o, ya co ɲɛ-tengaa ceendo ni.»

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Matie 5:14

Ɲɛ-tengaa ceendo niaa co ni. Kobi co o pembei coo-o nɔla vionnɔnndo le.

SƐBƐ YƆB-O 33:28

Tuma ya tolɔɔ ciee-piɔ́m-ndo, mí Hala baŋa ya. I co yoomu mí va vɔ ɲɛ-tengaa cɔu.›

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Condii lisai 18:28

Kani nɔm Mɛlɛka ciindiaa vanaa nda co mɔnɛi lueiyo-a ni, mà tuisi vanaa kuundiannda siɛmbulan.

Esai 9:2

Òó Mɛlɛka, a vangala vannda ha ma kui taw, a yɔngu nda kɔlkɛndɔɔ taw-taw. A co ɲaaloo dɔwnɔnndo nɔm o hɔl mɛɛ vana dɔawnun ɲaale telen koavaa n'mallo yɛ, mɛɛ vana yonda a kɔlkɛndɔɔ o ɲɛm nda hɛlu yaamɔɔa o ba o cɔwvo-on piɔwvo nin yɛ.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Dɛnnda kiilaa 13:47

Kani ɲɛ Maalii dimul naa-o co hoo ni aa: ‹I siinguu nɔm ɲɛ-tengaa vanaa-mangalaa-isɔɔa, haliko ma yoo vannda cindaa o lɛŋnden mɛɛlulan di.›»

Condii lisai 97:11

Ɲɛ-tengaa co tengaa le vanaa sandaa, kɔlkɛndɔɔ co le vanaa dendu kɔltan-nda.

Dɛnnda kiilaa 26:23

Kon co ni maa mɛɛ mì Krista ndóò sanga, mì ndóò yɔŋnun vana tasoo le tendullo fulaa vanvílɛ́iya tɛɛn, mì ndóò dimul Yuifia a vanaa co N'Yuifi le-a sɔɛi ɲɛ-tengaa yɔngu vana cindaa sɔlaa-o.»

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Dɛnnda cɔɔmuanndan 21:24

O ɲɛ-tengaa ndɔɔ vanaa-mangalaa-isɔɔa vanin kelaa ni, mì masaa co o lɛŋnden coo-a hin a sul ndaa lon.

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

2Piɛr 2:17

Vanaa kan co macoaa maa soonnda mamɛnnda nɔ mamɛn lenin te lan, maa piɔɔ helaa hoeyii fùkù-fùkùei hivi-o, ɲumma bɛndu-bɛnduan ma co nda cum.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Condii lisai 49:19

Hali o va bɛɛ kulanndo telen o co yoomu-o, mì vannda va ndu candɔɔ le ceen ndɔ kɛndɔɔ,

Nsaŋ 12:36

Telen niaa nɔ vɔ ɲɛ-tengaa-o, la laalan ɲɛ-tengaa, haliko mi la siŋnun cuavaa ɲɛ-tengaa.» Yeesu ciiyo sɔɛi lende, mó kɔannun, mó kɔ viannun nda lándán.

1Nsaŋ 1:6

Te n dimi pɛ maa n co latulu a ndu, mì n va kelaa o ɲumndan nin, mɛɛ còòlan naa co dimio ni, mɛɛ n co kela mɛɛ toɲaa co yɛ le.