Nsaŋ 7:39 - BII BILA

³⁹ A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Nsaŋ 7:39 Referans Kwoze

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Dɛnnda kiilaa 2:4

Mí Hala Kɔl-Diandaa pia nda nin kpow, má kandu sɔɛi o sɔɔn celen nin mɛɛ Kɔl-Hala-o va nda cɔmndo le sɔɛi yɛ.

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Nsaŋ 12:16

Kaandeŋaa ndɔa ndáà bii sɔɛi ken bila o foofo kon te. Kɛ mɛɛ Yeesu luɛi o biilu ndɔɔ nin, má loonun dɔ́ɔ́ maa le ndu sɔɔn mun mún sɛvan ni, nduyɛ mí n peelun lende.

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Nsaŋ 20:22

Mɛɛ o cii sɔɔn mun dimi, mó hul nda, mó dimi aa: «La sɔla Hala Kɔl-Diandaa.

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

2Korɛntea 3:8

vɛ̀ɛ̀ baala Kɔl-Diandaa co tosaa-o hiwnin biilu kon ɲamaa le!

Dɛnnda kiilaa 4:31

Mɛɛ nda cii Hala piɛi, mí fonda ndáà cuungian coo-o ɲiiya. Mí Hala Kɔl-Diandaa pia nda nin kpow, má kandu Sɔɛi Hala-e dimio a kɔlkɛsiaa.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Nsaŋ 14:13

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

Nsaŋ 7:12

Mí vannda va sɔɔn pɔmbɔn taw o sɛ́lɔ́ɔ́ tɛɛn a ndu o kɔɔ. A pum va dimio aa: «Vana tosaa dɛnɛ kɛndɔɔ o co ni.» Mí a pum nda va dimio aa: «Ɛ-ɛ, vannda o co lueiyo o pɔwlan nin ni.»

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Nsaŋ 1:33

Yáà sina ndu le, kɛ vana vem ya yinɔɔ o mɛnndan nin-ndo dimul-la ni aa: ‹Vana n canin Kɔl Hala-o tolɔɔ coo mò cal-lo, ndu yinnin a Kɔl-Diandaa ni.›

Nsaŋ 1:25

Má ɲuna ndu aa: «Le yɛɛ n co yɛ niko vannda yinɔɔ, nɔm yɛ a co Krista le, a co Elii le, a co yɛ vana-tɛɛngaa-diom Hala-o le?» Mí Nsaŋ mulul nda aa:

Nsaŋ 1:21

Má ɲuna ndu aa: «Nɛ̀ɛ́ n co yɛ? Mò va maa Elii n co ni?» Mó dimi aa: «I co Elii le.» Má ɲuna ndu aa: «Mò va maa vana-tɛɛngaa-diom Hala naa n co cumndo-o ni?» Mó muli aa: «Ɛ-ɛ!»

Luke 24:49

Ya ya, i yɔŋnin niaa o Fuɲa nuu dimi-o, kɛ la lo ciee nanu háá mì Kpaayaa fula o halataala, mò tol niaa coo.»

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Luke 3:16

O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Matie 16:14

Má muli aa: «A pum co dimio aa Nsaŋ Vana-yinaa n co ni, a pum nda co dimio aa Elii, a pum nda co vɛlɛ dimio aa Yeremi, te kon te aa vana-tɛɛngaa-diom Hala-o pum n co ni.»

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.

Nsaŋ 8:54

Mí Yeesu muli aa: «Te ya pila sangalan pɛ, mɛɛ biilu nuu co ɲɛ-ɲɛ le. Fuɲa nuu bɛnda le ya biiloo ni, o niaa co kon dimio maa ndu co Hala niaa ni-o pɛɛn!

Nsaŋ 16:14

O biilunin ya, kani sɔɔn o sɔlanin ya o ba-on o tɛɛngulnin niaa ni.

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Dɛnnda kiilaa 19:2

mó ɲuna nda aa: «Vɛ̀ɛ̀ la sɔla pá Hala Kɔl-Diandaa lɔ́ɔ́ niaa laalan-ndo?» Má mulul ndu aa: «N tui bɛɛ le maa Hala Kɔl-Diandaa co.»