Nsaŋ 7:37 - BII BILA

³⁷ O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Nsaŋ 7:37 Referans Kwoze

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Condii lisai 63:1

Condii David soli-e, telen o va Yuda o lɛŋnde veselɛilen nin-ndo.

Condii lisai 143:6

I co balan heeloo o nɔm ndo, má cè ya nɔm o hɔl maa lɛŋnde kolɔɔ bii len.

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

Nsaŋ 6:55

Kani balo kpeekpeiyo dialun nun co ni, ɲɛ kolaa kpeekpeiyo kooma nian ma co ni.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Kundalan 29:35

Paale ŋɔmaandɔlen niaa siownin kafo niaa ni. La bɛnda mì la cuungian paale len le kaannden tosaa. La bɛnda mì la tosa ɲinkon vali niaa dema tosa-o le.

1Korɛntea 10:21

La nɔla mì la va kolɔɔ o taala kólaa Maalii-o nin a o taala kólaa ɲinaa vɔɔnda nin te. La nɔ́là vɛlɛ mì la va ɲɛdiaa Maalii-o dioo mì la va vɛlɛ ɲɛdiaa ɲinaa vɔɔnda dioo le.

1Korɛntea 10:4

Nda kpow, má kol ɲɛ kɔl pilɔɔ fulaa Mɛlɛka o ba, kani mí nda kpow a kol o pow kpova kɔl fula Mɛlɛka o ba-o, ó va nda liilaa-o pɛɛn. Pow kpova kon yɛ, ndu co Krista ni.

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Tɔŋ lasálàá 23:36

O palɛi ŋɔmmɛvii ken nin, la bɛnda mì la va ya sálàlan solullo lepalaa-lepala, mì la va lan lomɔɔ o yin. Paale ŋɔmaandɔlen, la bɛnda mì la bɔɔŋian le ya biiloo, mì la lum ya sálàá o yin. La tósà ɲinkon baala niaa tosà paandu-o le.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

1Korɛntea 11:25

Ɲɛdiaa icɔllo cuvɔɔ dioo, mó tosa vɛlɛ lende a taala kólaa, mó dimul nda aa: «Taala kólaa ho co kpema sɛnɛi yiinun a kooma nian-ndo ni. La va hoo tosaa le yiyanndo a ya kɔɔ tuma-tuma niaa va pɛ koovan man kolɔɔ.»

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Nsaŋ 5:40

Nduyɛ, la yeema mì la hin o ya lo le cindaa sɔlaa le.

Nsaŋ 1:23

Mó muli aa: «Ya co diom co yondaa o lɛŋnde veselɛilen nin-ndo ni aa: ‹La siɛndi nɛi Mɛlɛka-o,› » maa mɛɛ Esai vana-tɛɛngaa-diom Hala-o dimi yɛ.

Sakari 9:15

Mɛlɛka-Nɔ-Kpaayaa-Kpow-vo kandanin nda. À sɔlanin yoomuan mà ciimiaa powta fáàndala vanin nda hinullo lan. A kolnin mà ŋol maa mamɔi, a vanin a piaa maa bonyii fuusai makòó, maa kpɛ̀ɛ́n fonda-loamaa-lasálà.

Misee 6:9

«Mɛlɛka co sɔɛi o vanaa co o kobio nin-nda lo. O ciindiaanin vanaa nɔ siòòŋii ndɔɛi-ya. La yaŋ nilan o yondaa a dɛnɛ palaa co hunɔɔ-o o kɔɔ, mì la yaŋ vana tuu le dɛnɛ kon tosaa-o nilan!

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Esai 40:6

Diomndo pum co dimio aa: «Tɛɛnguu yoongoo!» Mí ɲuna aa: «Yoongu yɛɛ nɛ ya tɛɛnguu yɛ?» Vanndacieea kpede maa bil nda co ni, naŋɔɔ ndaa kpow, maa yandɔɔ bil co yondoo nin-ndo o co ni.

Nehemi 8:18

O palɛi kafoei kpow nin, kandɔɔ o paale taselen háá o paale mɛɛlaalen, a va bungɛi ipilɛ dimio o sɛbɛ tɔŋ Hala-o nin maa mɛɛ o sɛvan yɛ. Mí kafoo tosan o palɛi ndii ŋɔmmɛw bɛngu. O paale ŋɔmaandɔlen coo, má tosa bɔŋan lekaando mɛɛ ndóò sɛvan yɛ.

Tɔŋ lasálàá 23:39

Te paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, mì la cii nin tɔlɔɔla niaalan kiɔndɔɔ a ciɛɔn niaan kovɔɔ o lɛŋnde len kpow nin, la kandu ɲinkon kafoo tosaa le ya Mɛlɛka. Kafo kalaa tosannin háá palɛi ndii ŋɔmmɛw. La tósà baalaa o paale taselen a o paale ŋɔmaandɔlen coo le.

Nsaŋ 7:28

O kon, Yeesu va vannda pɛɛkoo o Cɛi-Hala-o nin, mó deŋi aa: «La sina ya, la sina nɛɛ ya fula-a. Nduyɛ i hin a ba ni le: vana niaa bɛnda le laalanndo-o vem ya ni, la sina ndu masinaa le tuŋ.

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Talelan 8:3

o co isisi o diola luɛyaala kobio sondoo, o co yondaa o fondala hiavaalan aa:

Matie 3:3

A ndu Nsaŋ o kɔɔ Esai vana-tɛɛngaa-diom Hala-o ndóò soo ni aa: «Diomndo co sɔɛi o lɛŋnde veselɛilen nin aa: ‹La bɛɛndiaa nɛi Mɛlɛka-o, la siɛɛnduu nɛila ndɔla pɔmbɔlan.›»

Talelan 9:3

Mó viam buɛyaa ndɔa laandua le kɔlan yondaa o fondala hiow helɔɔ o kobio nin-ndan coo aa:

Talelan 8:1

Kɔlkaloo co veeloo, dɛnɛ sinaa co diomndo solio. Vɛ̀ɛ̀ la co tueyɔɔ le?

Talelan 1:20

«Kɔlkaloo co yondaa o nɛilan coo, o co diomndo heeloo o fondala bɛndulan.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Esekiɛl 47:9

Nɛɛ-nɛɛ mɛmma pe pɔmbɔ kon ma vanin keiyo, visia peea vanin yoomu lon, suwva vanin lenin sɛ́lɛ́ bɛndoo taw-taw, kani mɛmma pee pɔmbɔ kon ma tiiyanin ndon, mì mɛmma hɛlii bɛnduma man ma siŋnun makɛndɛ válán, nduyɛ ɲaa yoomaa peea vanin nɛɛ-nɛɛ pee pɔmbɔ kon tiiyanin.

Matie 5:6

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

Nsaŋ 4:11

Mí cuaa mulul ndu aa: «Maalii, a nɔ ɲɛ kɔandaa mamɛn te, nduyɛ soon-kólaa yingila. Kuɛɛ nɔm óò fula yɛnin a mɛmma cindaama man?