Nsaŋ 7:35 - BII BILA

³⁵ Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Nsaŋ 7:35 Referans Kwoze

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

1Piɛr 1:1

Ya Piɛr, kiila Yeesu Krista-o ni. Ya co vanaa Hala hɛli, má ɲaanun, má sɛŋin o lɛŋii bungɛi he nin-nda sɛvallo ni, a co Pɔn, Kalasi, Kapadɔs, Asii a Bitini-a.

Sofoni 3:10

Vanaa nia, hali a co o peela bɛndulan leeloo o lɛŋnde Kus len nin-nda, vanaa nia biilaa co a sɛŋiannda nɛɛ-nɛɛ ka-a, à hunnin mà cuu ya sálàlan.»

Esai 11:12

O heelunin lɛfɛ landaa le vanaa-mangalaa-isɔɔa, o cuungiaanin cuavaa Israɛlaa co o ɲaanɔnndo nin-nda, o mɔɔsiaanin vanaa sɛŋin fulaa o tàndá Yuda-o nin-nda. O cuungiaanin nda fulaa o kpengun hiɔɔlun ceendo.

Nsaŋ 12:20

Krɛkia pum va o vanaa ndáà kɔɛ kan Yerusalɛm le Hala biiloo o kafoo coo-a tɛɛn.

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 21:21

Nduyɛ, vannda dimul nda maa nɔm co Yuifia co vanaa celen tɛɛn-nda pɛɛkoo maa a mulul tɔŋ Moise-o kɔɔ, maa nɔm dimul nda vɛlɛ aa a díì cuavaa ndaa tooma le, maa a kelà vɛlɛ o naamula Yuifia coo le.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Nsaŋ 8:22

Mí Yuifia dimi aa: «Mò va maa ndu pila co diinɔn ni, kani o co dimio maa la nɔla hunɔɔ nɛɛ ya co kɔlan-nda le?»

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Matie 12:21

O kon vanaa-mangalaa-isɔɔa kpede a sɔlanin tiindanndo o diola ndɔlan.»

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Condii lisai 147:2

Mɛlɛka co Yerusalɛm mingi tangul, o co vanaa va o biyɔɔ nin Israɛl-la bɔɔŋiaa.

Esai 56:8

Maalii Hala co Israɛlla ndáà tow-va cuungiaa-o soo, mó dimi aa: «I cuungiaanin vɛlɛ vanaa celen o vanaa ndɔa co nin a cuungiannda-a ikɛi!

Nsaŋ 7:1

O kon kɔɔli, mí Yeesu va balɔɔ o tàndá Kalile-o nin, kani ndóò yeema mi ndóò balu tàndá Yuda-o le, bau Yuifia va nɛilan nuwviaa le ndu diyɔɔ.

Dɛnnda kiilaa 11:20

Nduyɛ, mí vanaa pum o nda tɛɛn a can Siipre a Sirɛne, má kɔa Antiɔs, má tiiyal vanaa ve N'Yuifi le-a Yoongu Kɛndɛ Maalii Yeesu-o.

Dɛnnda kiilaa 14:1

Mí Pol nda Barnabas kɔ luɛi vɛlɛ o cɛi lekaan Yuifia nin Ikoniɔm lon, má sɔaa háá mí Yuifia a vanaa ve N'Yuifi le-a taw a laalan.

Dɛnnda kiilaa 17:4

Mɛɛ sɔɔn mun pilan Yuifia pum kɔltan, má del Pol nda Silas kɔɔli, mí Krɛkia bɔɔ-bɔɔ, áà nɔ siòòŋii Hala-e-a, a vanlaandua lebɛɛa pum a del vɛlɛ ndu kɔɔli.

Dɛnnda kiilaa 18:4

Pol va sɔɛi lɔ́ɔ́-lɔ́ɔ̀ o palɛi pɛngiɛi coo o cɛi lekaando nin, o va vɛlɛ nɛilan nuwviaa le Yuifia a Krɛkia kɔltan pilanndo.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.