Nsaŋ 7:33 - BII BILA

³³ Mí Yeesu dimi aa: «I co vɔ latulu naa niaa le telen bingi, o kon kɔɔli i muungun o vana vem ya-o lo.

Nsaŋ 7:33 Referans Kwoze

Nsaŋ 16:5

Nihau, o vana vem ya-o lo ya co kɔnndan ni, vana-vana co yɛ dɔ́ɔ́ ɲuna le nɛɛ ya co kɔlan-nda le!

Nsaŋ 13:33

Cuavaa nia sei! I co vɔ niaa tɛɛn le telen bingi. La nuwviaanin ya, kɛ mɛɛ ya dimul Yuifia yɛ ya co niaa dimul ni maa la nɔlanin kɔlan nɛɛ ya co lakɔ-a le.

Nsaŋ 17:13

Nihau, i co kɔlan o nɔm ndo, nduyɛ mɛɛ mì soo o ceendo coo, haliko mi kɔlta ndalan la pɛ a ɲaaloo mɛɛ kɔl nuu co o piaa a ɲaaloo yɛ.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 16:28

O Pua lo ya fula ni, mì hun o ceendo coo. Sunsun, i co faŋan o ceendo coo, mì muungu o Pua lo.

Nsaŋ 16:10

A co vɛlɛ o pɔwlan nin a sandei o kɔɔ, kani o Pua lo ya co kɔlan ni, la ci lɛnin ya le.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Nsaŋ 9:4

Mɛɛ mì n tosa baala vana vem ya-o telen paalen le co vɔ-o. Ɲumndan ma tol pɛ, vana nɔla baalaa le.

Nsaŋ 14:12

I co niaa toɲaa dimul kpendekele, vana laalan ya pɛ, ndu bɛɛ tosanin dɛnnda ya co tosaa lan. O tosanin bɛɛ la hiow lan-ndan, kani ya, i co kɔnndan o Pua lo.

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»