Nsaŋ 7:28 - BII BILA

²⁸ O kon, Yeesu va vannda pɛɛkoo o Cɛi-Hala-o nin, mó deŋi aa: «La sina ya, la sina nɛɛ ya fula-a. Nduyɛ i hin a ba ni le: vana niaa bɛnda le laalanndo-o vem ya ni, la sina ndu masinaa le tuŋ.

Nsaŋ 7:28 Referans Kwoze

Nsaŋ 8:42

Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.

Nsaŋ 8:19

O kon má dimul ndu aa: «Kuɛɛ Fuɲa nɔm co yɛ?» Mí Yeesu muli aa: «La sina ya le, la sina vɛlɛ Fuɲa nuu le. Te niáà sina ya pɛ, la va Fuɲa nuu sina.»

Nsaŋ 8:26

I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»

Nsaŋ 8:14

Mí Yeesu mulul nda aa: «O va bɛɛ aa seile nile ya pila len ya co tɛndaa ni, toɲaa le co ni, kani i sina ba ya fula-o, i sina nɛɛ ya co kɔlan-nda. Kɛ niaa yɛ, la sina nɛɛ ya fula-a le, la sina vɛlɛ nɛɛ ya co kɔlan-nda le.

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 12:49

Kani o co ya pila o ba le sɔɔn nun co fulaa le. Kɛ Pua vem ya-o, ndu pila dimul-la sɔɔn ya bɛnda le dimio-on a mɛɛ ya bɛnda le mun dimio yɛ ni.

Nsaŋ 5:43

O diola Fuɲa nuu ya hin ni, nduyɛ la cɛl-la le. Te vana celen hin pɛ o diola ndɔla ndu pila lan, la cɛl ndu.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

2Korɛntea 1:18

Hala co ya lesei, sɔɔn naa n dimul niaa-on n co sɔɔn ya cɛl mì kɛɛ le.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Dɛnnda kiilaa 17:23

Kani telen ya va balɔɔ o kobi niaa nin-ndo, mí tofa sooluula niaalan. Mí komal bɛɛ fonda-loamaa-lasálàá pum a sɛvaa ho lecoo aa: ‹Le hala vana sina loo›. Ɛ̀ɛ̀ nduyɛ, o niaa co kon piɛiyo la sina ndu loo, sɔɛi ndɔɛi ya co niaa tiiyilallo ho nuaa ni.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Nsaŋ 16:3

A tosanin ken le tùú nda kɛɛ ya a Pua sinaa-o.

Nsaŋ 14:31

Kɛ haliko mi ceendo sina maa i kaola Pua, maa mɛɛ Pua dimul-la yɛ ya co dɛnndan tosaa ni. La cɔn mì n faŋan nanu!»

Nsaŋ 14:10

A laalan maa i co Pua nin, mì Pua va ya nin te? Sɔɔn ya co niaa dimullo-on, o co a ba ni le. Pua co ya nin-ndo co dɛnnda ndɔlan tosaa ni.

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

Nsaŋ 8:16

Te i kelu yɛ pɛ yamɛi, yamɛi toɲɛi ya kialu ni, kani i co ya pilɛ le, kɛ Pua vem ya-o co ya ikɛi.

Nsaŋ 5:32

Kɛ vana celen co seilen timbio a ya o kɔɔ ni, nduyɛ i sina maa seile o co timbio a ya o kɔɔ len le co toɲa.

Nsaŋ 3:33

Vana-vana cɛl pɛ seile ndɔlen, ndu cɔm maa toɲaa Hala co ni,

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Nsaŋ 1:46

Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Luke 2:51

Mí Yeesu muungu nda ndaa Nasarɛt, mó bii sɔɛi ndɛi. Kala ndɔ va sɔɔn mun kpow mandanndo o kɔl.

Luke 2:39

Lɔ́ɔ́ Yosɛf nda Mari cii sɔɔn tɔŋndon peelu mɛɛ ndóò bɛnda yɛ-o, má muungu o kobi ndaa nin Nasarɛt, o tàndá Kalile-o nin.

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Luke 2:4

Mí Yosɛf bɛɛ can Nasarɛt o lɛŋnde Kalikee len nin, mó kɔa Bɛtlɛhɛm o tàndá Yuda-o nin, Bɛtlɛhɛm Kobi David-o pɛɛn. Kani o polale David len nin o fula ni.

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.

Nsaŋ 7:14

Ndáà tiiya nin tɛɛn a kafoo, mí Yeesu hel o Cɛi-Hala-o nin, mó va vannda pɛɛkoo.

Matie 26:55

O kon kɔɔli, mí Yeesu dimul sɛ́lɔ́ɔ́ aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui? Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le.

Nsaŋ 6:42

Má va dimio aa: «O co macoaa ndu le co Yeesu po Yosɛf-o le? N sina masinaa fuɲa ndɔ a kala ndɔ le? Kɛ le yɛɛ o co yɛɛ naa niko dimullo maa o halataala o fula ni?»

Nsaŋ 9:29

N sina maa mí Hala ndóò soaa o Moise lo, kɛ hoo ndu, n sina nɛɛ o fula le!»