Nsaŋ 7:26 - BII BILA

²⁶ Má cè ndu sɔɛi kpendekele! A co ndu ɲɛ-ɲɛ dimul te. Mò va maa sinaa simlacia sina lekɛ́ndɛi ni maa ndu co Krista ni?

Nsaŋ 7:26 Referans Kwoze

Nsaŋ 7:48

La ce nin simlacia vana pilɛ te kon te Faliisia vana pilɛ bɛɛ kpé ndu laalanndo?

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Nsaŋ 12:42

Kɛ nduyɛ, hali simlacia tɛɛn, mí vanaa bɔɔ-bɔɔ laalan ndu. Kɛ Faliisia soli laalan ndaa kpendekele le, yɔŋii ndáà kuuna nda le kɔlan o cɛila lekaanndan nin.

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Luke 7:30

Kɛ mí Faliisia a vanaa pɛɛkaa latɔŋnda a kɛɛ ɲɛ Hala ndóò tuu le nda-o, kani a cɛl mà sɔla yinɔɔ Nsaŋ o ba le.»

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Esai 42:4

O fulanin mayoomu le, o vinin n'dial te. O lonin lende háá mò simi dɛnɛ sandaa yili o lɛŋnden coo, mì vanaa co o mɛmma ihɛllan kɔngɔ-a tiindan a kɔlkɛsiaa le tɔŋnda ndɔlan sɔlaa.

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

Luke 23:13

Mí Pilate veelu bolii vanaa-solia-lasálàá, simlacia a vannda kpow,

Nsaŋ 3:1

Langbanɔɔ pum va Faliisia tɛɛn, diolan Nikodɛm, simlacinɔ Yuifia pilɛ o va ni.

Nsaŋ 4:29

«La hun tofa vɔ langbanɔɔ pum, o cii ya dɛnnda ya tosa lan kpede dimul, o kɛɛ va ndu le co Krista le!»

Nsaŋ 7:25

Mí vanaa va icali Yerusalɛm-nda pum a va dimio aa: «O co langbanɔɔ ho le nda co nuwviaa le ndu diyɔɔ le?

Nsaŋ 7:31

Mí vanaa bɔɔ-bɔɔ o sɛ́lɔ́ɔ́ tɛɛn a laalan ndu, ma va ɲunanndo aa: «Hunɔɔ Krista co-o, o tosanin pá dɛnnda kaamaalan mò hiow langbanɔɔ ho?»

Nsaŋ 18:20

Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.