Nsaŋ 7:23 - BII BILA

²³ Te la dii pɛ vanndo tooma o paale pɛngiaalen coo, haliko la del kasi a tɔŋ Moise-o le, le yɛɛ niaa tambu yɛ niko kɔl a ya le vanaciee ya singi o paale pɛngiaalen coo-o?

Nsaŋ 7:23 Referans Kwoze

Matie 12:5

Te kon te, la ci o sɛvaa o tɔŋndo nin te maa vanaa-solia-lasálàá va tɔŋ paale pɛngiaa tɛɛmbuuo o Cɛi-Hala-o nin, kɛ a ve kasi delɔɔ le?

Matie 12:2

Faliisia cɔu ken, má dimul ndu aa: «Tofa vɔ kaandeŋaa nɔmnda, a co ɲɛ bɛnda le tosa o paale pɛngiaalen coo loo tosaa.»

Fulaa 31:14

Lelan, la bii paale pɛngiaalen, kani paale diandaalen paale len le co le niaa ni. Vana-vana nɔɔliaa pɛ paale len, ndu sɔla piɔ́mndo. Kani vana-vana tosa pɛ baalaa lecoo, a solinin ndu Israɛlla tɛɛn po.

Matie 12:10

Langbanɔ ba vílɛ́iyo pum va lon. Má ɲuna Yeesu aa: «Vɛ̀ɛ̀ o co pá o cɛlnan le vannda singio o paale pɛngiaalen coo?» Nɛila ndáà handu ndu sɔɛi coo lan nda va nuwviaa kon lende ni.

Nsaŋ 5:10

Nduyɛ paale pɛngiaalen le va ɲinkon ni, o kon mí Yuifia dimul vana Yeesu singi kon-ndo aa: «Paale pɛngiaalen le co hau ni, a bɛnda ma siilun ɲɛ hinia nɔmndo le.»

Nsaŋ 7:21

Mí Yeesu dimul nda aa: «Dɛnɛ kaamaa ndu pilɛ kpé ya tosa ni, mí la dɔawnun kɔndɔfili.

Nsaŋ 9:16

Mí vannda pum a va dimio Faliisia tɛɛn aa: «Langbanɔɔ ho co vana Hala le, kani o ke paale pɛngiaalen lebɛɛ le.» Mí a pum nda va dimio aa: «Vɛ̀ɛ̀ vana lahakio ndu looku yɛnin dɛnnda kaamaala vaa nuaa tosa?»