Nsaŋ 6:9 - BII BILA

⁹ «Poombɔɔ pum nɔ bulula ɔrselan nanu tan ŋuɛɛnu a suwva nda ŋiɔn, kɛ kan co ɲɛ-ɲɛ le sɛ́lɛ́ bɛndu vaa nuaa le.»

Nsaŋ 6:9 Referans Kwoze

Luke 9:13

Kɛ mí Yeesu mulul nda aa: «Niaa pila ke nda ɲɛdiaa, mà de.» Má mulul ndu aa: «Bululan tan ŋuɛɛnu a suwva nda ŋiɔn kínɛí co naa o ba ni. Fɔ dɔ́ɔ́ mì naa pila n kɔɛ, mì n kɔ piondu ɲɛdiaa le nda kpow dɛ!»

Marke 6:38

Mó mulul nda aa: «Vɛɛ niaa nɔ yɛ bululan? La kɔ tofa vɔ!» Ndáà mɛɛndianndo, má dimi aa: «Bululan tan ŋuɛɛnu a suwva nda ŋiɔn naa n nɔ nanu ni.»

Matie 14:17

Kɛ má dimul ndu aa: «Bululan tan ŋuɛɛnu a suwva nda ŋiɔn daama naa n nɔ nanu ni.»

Condii lisai 78:19

Má soaa sɔɔn vɔɔnndon a Hala, má ɲuna aa: «Vɛ̀ɛ̀ Hala nɔla pá mò ke naa baloo o lɛŋnde veselɛilen nden nin?»

Matie 16:9

La bii yɔ bila le? La loonun a bulula ŋuɛɛnula vanaa vaala ŋuɛɛnua de, mí la lo kambɛilan taw, mí la kɔannun a lan-ndan te?

Marke 8:19

telen ya yimiyimi bululan tan ŋuɛɛnu le vanpiaandua vàálan tan ŋuɛɛnua-o le, vɛ̀ɛ̀ kpɛ́ la bingi-bingila lo lan la va yɛ kambɛilan?» Mí kaandennda mulul ndu aa: «Tɔ́ a latiɔn!»

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Condii lisai 147:14

O co lɛŋnde niaalen kɔlɲuloo yɔngoo, mo va niaa baloo yɔngoo taw.

Condii lisai 81:16

O kon, vanaa nɔ nɛyɔnndo a Mɛlɛka-a va ndu Mɛlɛka sangala, mì Israɛlla ndáà vannun a kɔlkɛsiaa lɔ́ɔ́-lɔ́ɔ̀.

Tɔŋ miingua 8:8

Tɔlɔɔla naŋ o lɛŋnde len nin taw lan la co lan ni: maalon, ɔrse, rɛsɛnndon, vooson, krenadiee, oliviee a lɛan.

Dɛnnda cɔɔmuanndan 6:6

Mí tuɛi diomndo pum ɲaa yoomaa hiɔɔlua tɛɛn, mó dimi aa: «Maalon panio ca le sala vali paale pilɔɔ, ɔrse panio leyàá le sala vali paale pilɔɔ, cuɛiyan a mɔiyan man, pilan man te.»

Nsaŋ 11:32

Mí Mari tiiya nɛɛ Yeesu va-a, ndóò cɔu ndu dɔ́ɔ́, mó del ndu o labɛngunin, mó dimul ndu aa: «Maalii, te nɔm óò va pɛ nanu, yema nuu ve vu le.»

Nsaŋ 11:21

Mí Marte dimul Yeesu aa: «Maalii, te nɔm óò va pɛ nanu, yema nuu ve vu le.

Nsaŋ 6:7

Mí Filipe mulul ndu aa: «N piondu bɛɛ buloo a volin sala vana baalaa le palɛi kɛmɛ lediin-ndon, o tiwnin vannda ha mì nda kpow a sɔla o pɔm-pɔmbɔ le.»

Esekiɛl 27:17

Tàndá Yuda-o a lɛŋnde Israɛl-ten kpow le va yulalen tosaa a nɔm, a va hunɔɔ a kulun fula Minnit-on o lɔ́ɔ́ nɔmndo nin: ɔrse, lɛan, cuɛiyan a ansan.

Condii lisai 78:41

A va Hala ciŋilanndo tuŋ, a va O-Diandaa Israɛlla kɔllo tɛɛmbuuo.

2Masaa 7:1

Mí Elise dimi aa: «La tuei-yɔ sɔɛi Mɛlɛka-e! O dimi aa: ‹A telen vaa nuaa siɔdii, o lɔ́ɔ́ Samari nin, kpeyanndo vanin kiloo tɔ́ a lediin le volii támái ndii pilɛ, mì ɔrse ndu va kiloo bidiin a lehiɔɔlu le volii támái ndii pilɛ.›»

Tɔŋ miingua 32:14

Mó yɔngu nda nɔnɔma nawva a nɔnɔma saa. Mó yɔngu nda visin macuɛin saa téndéa, visin macuɛin saa kóndóa Basan a visin macuɛin cuinaa toovia. Má pum ɲɛdiaa malun kɛndɛ-kɛndɔɔ, má kol mɔima siaŋan, mɔima fula o rɛsɛŋun kɛndɔn-ndan.

Nsaŋ 6:11

Mí Yeesu cua bululan, mó mal balikaa, mó piɔw vanaa va lon-nda lan. Mó tosa vɛlɛ lende a suwva.

Nsaŋ 21:9

Ndáà tolɔɔ lɛŋ, má ca yinnde ladɛngulten, suwvo a buloo va lecoo.

Nsaŋ 21:10

Mí Yeesu dimi aa: «La hun a suvaa niaa langa cua kan-nda.»

Nsaŋ 21:13

Mí Yeesu sɔɔnguu, mó cua buloo, mó ke nda ndu, mó ke nda vɛlɛ suwvo.