Nsaŋ 6:71 - BII BILA

⁷¹ Sɔɛi Yuda, po Simɔn Iskariɔt-o-e o va dimi kon lende ni, kani Yuda kon va hunɔɔ Yeesu malɔɔ vannda o ba ni. O va vana pilɛ o n'van tɔ́ a vanaa ŋiɔnda tɛɛn.

Nsaŋ 6:71 Referans Kwoze

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Nsaŋ 13:26

Mí Yeesu mulul ndu aa: «I co bulu bingio pɔɔla o taalaa nin, vana ya yɔngunin ndu-o, mɛɛ ndu ni.» O kon, mí Yeesu cua bulu bingio, mó pɔɔla ndu, mó yɔngu Yuda, po Simɔn Iskariɔt-o.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Matie 10:2

Diola kaandeŋaa tɔ́ a à ŋiɔŋaa kan la co lan ni: Vana tasoo Simɔn, o nda veelu vɛlɛ aa Piɛr-o, a Andre puapilɛ ndɔ. Nsaki po Sebedee-o a Nsaŋ puapilɛ ndɔ.

Matie 10:4

Simɔn vana fulà diallon le lɛŋnde ndɔlen-ndo a Yuda Iskariɔt, o mal Yeesu vannda o ba-o.

Marke 14:10

O kon mí Yuda Iskariɔt, ó va kaandennɔɔ pilɛ o kaandeŋaa tɔ́ a à ŋiɔnda tɛɛn-ndo, kɔ komal bolii vanaa-solia-lasálàá le Yeesu malɔɔ nda o ba.

Nsaŋ 2:2

Yeesu bɛɛ va o veelaa o kafo kon nda kaandeŋaa ndɔa.

Nsaŋ 6:64

Kɛ vanaa pum a co niaa tɛɛn, a laalan te.» Kani o kandɔɔ pɔ́, Yeesu ndóò sina vanaa laalan te-a a vana óò malnin ndu vannda o ba-o.

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Nsaŋ 12:4

Mí kaandennɔɔ pilɛ, Yuda Iskariɔt, ó va hunɔɔ Yeesu malɔɔ vannda o ba-o ɲuna aa:

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 20:24

Tomas, o ndáà veelu aa Didim-ndo, vana pilɛ o kaandeŋaa tɔ́ a à ŋiɔnda tɛɛn, ndu ve lon lɔ́ɔ́ Yeesu hin-ndo le.